ლეგენდარული ოსკაროსანი მსახიობი ჯულია რობერტსი ჟურნალმა 2017 წლის ყველაზე ლამაზ ქალად დაასახელა, სწორედ ამიტომ სულ მალე ჟურნალი People-ს სპეციალური ნომერი გამოვა, სადაც მკითხველი ფოტოსესიასა და ჯულიასთან ექსკლუზიურ ინტერვიუს იხილავს.

აღსანიშნავია, რომ ჯულია რობერტსი მსოფლიოში ყველაზე მეტჯერ არის დასახელებული ლამაზ ქალად, პირველად ის ამ ტიტულის მფლობელი 26 წლის წინ გახდა ფილმ - Pretty Woman-ის გამოსვლის შემდეგ.

რაც შეეხება მსახიობის სამომავლო გეგმებს, სულ მალე რობერტსი ახალ ფილმში პილოტის როლს ითამაშებს. სურათი ბესტსელერი წიგნის, Fool Me Once, ეკრანიზაცია იქნება.

ფილმის სიუჟეტი მარტოხელა, ქვრივი დედის გარშემო ვითარდება, რომელიც ერთ-ერთ სამხედრო ქვედანაყოფში პილოტად მუშაობს. სახლში დაბრუნებული ჯულიას პერსონაჟი შემთხვევით დაინახავს, რომ მისი ქალიშვილი მამას ეთამაშება, რომელიც ორი კვირის წინ გარდაიცვალა. სწორედ აქედან დაიწყება ისტორია, სადაც მთავარი პერსონაჟი უნდა გაერკვეს რა ხდება მის ცხოვრებაში.

აღსანიშნავია, რომ მაყურებელი ნოემბერში ჯულიას კიდევ ერთ ფილმს, რ. ჯ. პალაციოს წიგნის, საოცრება, ეკრანიზაციას იხილავს, რომელიც დეფორმირებული სახით დაბადებული ავგუსტ პულმანის ისტორიას გვიყვება. მთავარ როლს ჯულია რობერტსთან ერთად ჯეიკობ თრამბლი შეასრულებს.

ამასთანავე იგეგმება ჯულიასა და ვაიოლა დევისის კიდევ ერთი კოლაბორაცია, მნიშვნელოვანი წვრილმანები, ასე ჰქვია კინოსურათს, რომლის სიუჟეტიც ჯოდი პიკოლტსის ამავე სახელწოდების ბესტსელერ რომანს ეფუძნება, ისტორის ეპიცენტრში კი ორი ქალია.

კინოსურათი, რომელზეც ლა ლა ლენდის პროდიუსერები DreamWorks Pictures-თან და Amblin Entertainment-თან ერთად იმუშავებენ, რასებს შორის ურთიერთობას ეხება.

ვაიოლა დევისი ფილმში აფროამერიკელი მედდის, რუთის როლს შეასრულებს, რომელსაც ქმარი ავღანეთის ომში დაეღუპა. ჯულია რობერტსი კი სახალხო დამცველის, კენედ მაკკუარისის როლს მოირგებს.

კიდევ ერთი როლი, რომელსაც ჯულიას გულშემატკივრები ელიან ასევე ბესტსელერი წიგნის I’ll Get You! ეკრანიზაცია იქნება. ფილმი ნარკოტიკებზე, ტერორსა და ტყუილზეა, რომელის წინააღმდეგაც რობერტსს მარტოს მოუწევს ბრძოლა.

წიგნი რეალურ ამბავზეა დაფუძნებული და ის კელი პიტერსის (ჯულია რობერტსი) ამბავს აღწერს, რომელიც სრულიად მარტო რჩება დიდი აფერის წინააღმდეგ, რომელმაც მას ცხოვრება თავდაყირა დაუყენა.

კელი პიტერსი მასწავლებელ მშობელთა ასოციაციის პრეზიდენტი იყო და თავისი ქალიშვილის კოლეჯში მოხალისედ მუშაობდა. ერთ დღესაც, ერთ-ერთი მოსწავლის მშობელმა ის ნარკოტიკების მოხმარებაში დაადანაშაულა და ბრალად დასდო, თითქოს მან მისი შვილის მანქანაში ნარკოტიკული ნივთიერებები შეინახა. ამბავმა დიდი აჟიოტაჟი და სკანდალი გამოიწვია, რამაც მთავარი პერსონაჟის წარმატებული კარიერა მიწასთან გაასწორა. საქმეში უამრავი ადვოკატი ჩაერია, თუმცა ამაოდ - კელი სასამართლომ დამნაშავედ სცნო და ის დააპატიმრეს. 5 წლიანი მძიმე სასჯელის შემდეგ სასამართლომ კელი უდანაშაულოდ სცნო და კომპენსაციის სახით $5,7 მილიონი გადაუხადა. თუმცა ამბავი ამით არ სრულდება, ყველაზე მნიშვნელოვანი სამართლიანობის აღდგენის პროცესი და იმის გარკვევაა, თუ ვის და რატომ აწყობდა პიტერსის დაპატიმრება.

ეს იყო ერთ-ერთი ყველაზე გახმაურებული და სკანდალური ისტორია ამერიკის სასამართლოს ისტორიაში, რომელმაც უდანაშაულო ქალის ცხოვრება დაანგრია.

ამასთანავე ჯულია რობერტსი ტელევიზიასაც არ ტოვებს უყურადღებოდ და სულ მალე HBO-ს ახალი სერიალის მთავარი ვარსკვლავი გახდება.

დღეს ყველაფერი შეიცვლება - ასე ერქმევა ახალ სერიალს, რომელიც მარია სიმპლის ამავე სახელწოდების ბესტსელერი ნოველის ეკრანიზაცია იქნება.

ისტორია ელეონორ ფლუდის გარშემო ვითარდება, რომელმაც იცის მისი არეული ცხოვრების შესახებ, თუმცა ერთ დღეს გადაწყვეტს ყველაფერი შეცვალოს. ის უნდა გაუმკლავდეს შვილს რომელიც გამუდმებით ატყუებს, მოღალატე ქმარს რომელთან სექსიც ელეონორს სიამოვნებას აღარ ანიჭებს, კოლეგებს, რომელთაც მისი წარმატებების შურთ და ა.შ.

კრიტიკოსებმა წიგნი შეაფასეს, როგორც ყველაზე დრამატული, იუმორისტული, სულისშემძვრელი ამბავი, რომელიც გამუდმებით გაიძულებს მიჰყვე და ბოლომდე გადაეშვა საიდუმლოებებით, დრამითა და ტრაგიზმით აღსავსე ისტორიაში.