სამხედრო დაჯგუფება თალიბანი, რომელმაც ავღანეთზე კონტროლი დაამყარა, უკრაინას და რუსეთს კონფლიქტის "მშვიდობიანი გზით" გადაჭრისკენ "მოუწოდებს". ხელისუფლებაში ძალადობრივი გზით მოსული და ძალადობრივი მმართველობით ცნობილი თალიბანი აცხადებს, რომ ყველა მხარემ თავი უნდა შეიკავოს ისეთი მოქმედებებისგან, რაც ძალადობას გააძლიერებს.

"ავღანეთის ისლამური საამირო ყურადღებით აკვირდება სიტუაციას უკრაინაში და შეშფოთებას გამოხატავს მშვიდობიანი მოსახლეობის მსხვერპლის რეალური შესაძლებლობის გამო. ისლამური საამირო ორივე მხარეს თავშეკავებისკენ მოუწოდებს. ყველა მხარემ თავი უნდა შეიკავოს იმ მოქმედებებისგან, რამაც შესაძლოა გააძლიეროს ძალადობა.

ავღანეთი, ნეიტრალიტეტის საგარეო პოლიტიკის შესაბამისად, კონფლიქტის ორივე მხარეს მოუწოდებს, კრიზისი მოაგვაროს დიალოგითა და მშვიდობიანი გზით. ასევე, მოვუწოდებთ ყველა მხარეს, დაიცვან ავღანელების სიცოცხლე უკრაინაში", — წერია განცხადებაში.

პუტინმა უკრაინაში ომი 24 თებერვალს დაიწყო, რომელსაც თავად სპეციალურ "სამხედრო ოპერაციას" უწოდებს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში

გაიგეთ მეტი: