24 თებერვლის ვაჭრობის შედეგად, ლარი დოლართან და ევროსთან მიმართებით მნიშვნელოვნად გაუფასურდა.

დღეს დადგენილი კურსის მიხედვით, ერთი დოლარის ღირებულება 3,1331 ლარი გახდა, რაც აქამდე მოქმედ კურსთან შედარებით 11,69 თეთრით გაუფასურებას ნიშნავს.

რაც შეეხება ევროს, ამ ვალუტასთან მიმართებით ლარი 7,82 თეთრით გაუფასურდა და ერთი ევრო 3,5031 ლარს გაუტოლდა.

ბოლო ერთ დღეში 0,05 თეთრით გამყარდა ლარი თურქულ ლირასთან მიმართებით და ერთი ლირის ღიღებულება 0,218 ლარი გახდა.

სებ-ის მიერ დღეს დადგენილი გაცვლითი კურსი ხვალ, 25 თებერვალს შევა ძალაში.

ბოლო ერთ დღეში ეროვნული ვალუტის მნიშვნელოვანი გაუფასურება რეგიონში მიმიდინარე საომარ მოქმედებებს უკავშირდება. რუსეთის მხრიდან უკრაინაზე თავდასხმა უკვე აისახა რუსულ ეკონომიკაზეც — დღეს რუსული რუბლი დოლართან მიმართებით რეკორდულად გაუფასურდა. ამასთან, ეცემა რუსული კომპანიების აქციების ღირებულებაც.