დიზაინერ გიორგი მასხულიაზე ძალადობის ბრალდებით 3 ადამიანი დააკავეს. ინფორმაციას შინაგან საქმეთა სამინისტრო ავრცელებს.

უწყების ცნობით, გამოძიებით დადგინდა, რომ ბრალდებულებმა თბილისში მდებარე ერთ ერთ ბარში მასხულიას სიტყვიერი და ფიზიკური შეურაცხყოფა მიაყენეს.

მასხულიას თავს 21 თებერვალს დაესხნენ. გამოძიება საქართველოს სისხლის სამართლის კოდექსის 126-ე მუხლის პირველი პრიმა ნაწილის "ბ" ქვეპუნქტით მიმდინარეობს, რაც ჯგუფურად ჩადენილ ძალადობას გულისხმობს.