ვაკეში, ილია ჭავჭავაძის გამზირის #34-ის მიმდებარედ, პიქსელის შენობასთან ერთი ავტომობილი გზაზე ქვეითად მოსიარულეს დაეჯახა. შემთხვევა დაახლოებით ერთი საათის წინ მოხდა. შინაგან საქმეთა სამინისტროს პრესსამსახურის ინფორმაციით ავტომობილის მძღოლი არ მიმალულა დაშავებული კი საავადმყოფოში გადაიყვანეს.

შინაგან საქმეთა სამინისტრო გამოძიებას სისხლის სამართლის კოდექსის 276-ე მუხლის პირველი ნაწილით ატარებს. ამ მუხლით, მექანიკური ტრანსპორტის მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.