ექსპრეზიდენტ მიხეილ სააკაშვილის თქმით, მას შემდეგ, რაც უკრაინის პროკურატურამ ის დამნაშავედ ცნო, გამოუცხადეს, რომ ოჯახის წევრებთან პაემნების შესაძლებლობა, არა კვირაში ერთხელ, არამედ თვეში ერთხელ ექნება.

"ხომ დავწერე, რომ პარასკევს დილით, უკრაინის პროკურატურის მიერ ჩემს დაზარალებულად ცნობის შემდეგ, ივანიშვილი კიდევ დაამძიმებდა ჩემს მდგომარეობას და აჰა, კვირას შემოვიდა შეწუხებული რეჟიმის მუშაკი და გამომიცხადა, რომ ოჯახის წევრებთან პაემნები, რომლებიც შუშის მიღმა, ტელეფონით 1-საათიანი ურთიერთობით იყო განსაზღვრული, კვირაში ერთხელ აღარ და თვეში ერთხელ იქნება. რა პატარა არარაობებთან გვაქვს საქმე", — წერს ის.

სააკაშვილი თქმით, დარწმუნებულია, რომ ეს საქმეც უკრაინის პროკურატურის ან "უახლოეს ხანში გათავისუფლებულ საქართველოში" აღძრულ საქმეებს დაემატება.

10 თებერვალს სააკაშვილის ადვოკატმა, ნიკა გვარამიამ განაცხადა, რომ უკრაინის პროკურატურამ ექსპრეზიდენტი დაზარალებულად ცნო. მისი თქმით, როცა მათი მოქალაქის მიმართ სავარაუდო წამებისა და არაადამიანური მოპყრობის დანაშაული იკვეთება, უკრაინის კანონმდებლობა საქმის აღძვრის შესაძლებლობას იძლევა.

14 იანვარს სააკაშვილის უკრაინელმა ადვოკატმა მიხეილ ევგენი გრუშოვეციმ თქვა, რომ უკრაინაში საქართველოს პენიტენციური სისტემის მაღალჩინოსნების მიმართ რამდენიმე სისხლის სამართლის საქმეა აღძრული.

On.ge ამასთან დაკავშირებით პენიტენციურ სამსახურთან ცდილობს დაკავშირებას, პასუხს მიღებისთანავე შემოგთავაზებთ.