ჩვენ, ვისაც არაქისის კარაქის გემო გვიყვარს, კარგად ვიცით მისი სარგებელი და ისიც, თუ როგორ უნდა გამოვიყენოთ ეს პროდუქტი, რათა ჩვენმა ორგანიზმმა სრულყოფილად შეძლოს მისი სარგებლის მიღება. საბედნიეროდ, საქართველოში წარმოებული ნატურალური არაქისის კარაქის შეძენა და გასინჯვა მარტივია. ამის შემდეგ თავად გადაწყვიტეთ, გახდება თუ არა ის თქვენი რაციონის შეუცვლელი წევრი.

დღეს კი რამდენიმე საინტერესო ფაქტს გაგაცნობთ არაქისის კარაქზე და ვისაც ჯერ არ გიყვართ, იქნებ, სულ სხვა თვალით შეხედოთ ამ გემრიელ პროდუქტს.

1. არაქისის კარაქის 90% არაქისი უნდა იყოს

მას შემდეგ, რაც 1960 წელს FDA-მ (Food and Drug Administration) ასეთი დადგენილება მიიღო, ქილას არაქისის კარაქი არ შეიძლება მიეწეროს, თუ მასში მოთავსებული პროდუქტის 90% არაქისი არაა.

2. მოხალული არაქისის კარაქი უფრო მარილიანი და არომატულია

განსხვავებით მოუხალავი მარცვლებისგან დამზადებული. ამასთანავე, მოხალულს უფრო გაჯერებული (მძაფრი) გემო აქვს.

3. არაქისის კარაქის გემოს ყველაზე მეტად მარწყვის ჯემი უხდება

ფილმებში ერთხელ მაინც გექნებათ ნანახი ტოსტზე გადასმული მიწისთხილის კარაქი ზედ დამატებული მადისაღმძვრელი ჯემით.

4. არაქისის კარაქი სხვადასხვა ფერისაა

ეს მიწისთხილის მარცვლებზე და მათი მოხალვის ხარისხზეა დამოკიდებული. არაქისის კარაქის ფერი მუქია მაშინ, როცა კანგაუცლელი მარცვლებითაა დამზადებული, ხოლო ღია ფერისაა, როცა მის დასამზადებლად კანგაცლილი, ბლანშირებული მარცვლები გამოიყენება. ასეთი დამუშავების შედეგად, ნედლეულს ის სიმწარე აღარ აქვს, როგორიც კანგაუცლელ მარცვლებს ახასიათებს. ცნობისათვის, ბლანშირება ხილისა და ბოსტნეულის ისე დამუშავებას გულისხმობს, რომ ნაყოფი ვიტამინებსა და ბუნებრივ ფერს სრულყოფილად ინარჩუნებს.

5. სახლში დამზადებულ არაქისის კარაქს მცენარეული ზეთი სჭირდება

რაც უნდა ძლიერი საფქვავი გქონდეთ, მაინც მოგიწევთ, რომ სახლის პირობებში დამზადებულ არაქისის კარაქს მცენარეული ზეთი დაამატოთ. ასეთ პროდუქტს კი ნატურალურს ვეღარ ვუწოდებთ.

6. ძველად არაქისის კარაქის დასამზადებლად ხორცსაკეპი მანქანის მსგავს აპარატს იყენებდნენ

ამერიკელი ბებიებისა და ბაბუების მიერ ამ მეთოდით დამზადებული კარაქი სქელი და მშრალი იყო.

7. არაქისის კარაქის დიდხანს შენახვისთვის პატარა ხრიკის ცოდნა დაგჭირდებათ

იმისთვის, რომ მიწისთხილის კარაქი შენახვის პროცესში ნაკლებად განშრევდეს, ქილა ზოგჯერ ამოატრიალეთ ხოლმე.

8. ხრიკების ცოდნა მისი მომზადებისასაც გამოგადგებათ

თუკი არაქისის კარაქის სახლში მომზადება გსურთ და თანაც — უცხიმოსი, გამზადებული მასის არევამდე თავისი ბუნებრივი ცხიმის ნაწილი უბრალოდ გადაღვარეთ.

9. კლასიკური არაქისის ორი სახეობა არსებობს

ამ სახეობებს ერთმანეთისგან არაქისის მარცვლების დაფქვის ხარისხის მიხედვით განასხვავებენ. ყველაზე გავრცელებული დაფქვაა Creamy, იგივე — Smooth. ასე დაფქული მარცვლებისგან მომზადებულ მიწის თხილის კარაქს აბსოლუტურად ერთგვაროვანი ტექსტურა და სქელი არაჟნის კონსისტენცია აქვს. მასში არაქისის მარცვლის პაწაწუნა ნატეხსაც ვერ მიაგნებთ. უფრო მსხვილ დაფქვას კი Crunchy ეწოდება. მსხვილად დაფქული მარცვლებისგან მომზადებულ კარაქში მარცვლების ნატეხები კარგად იგრძნობა. ასეთი მიწისთხილის კარაქის გემო უფრო გამოხატულია და კონსისტენციაც უფრო სქელია. ხშირად, იმისთვის, რომ მყიდველს საქმე გაუადვილონ, მწარმოებლები ნაზი არაქისის კარაქის ქილას წითელ თავსახურს უკეთებენ, ხოლო მარცვლებგარეულს — ლურჯს.

10. არაქისის კარაქს მსოფლიოს მრავალ წერტილში შეხვდებით

ჩვენ ვიცით, რომ არაქისის კარაქი ამერიკიდან შემოვიდა, თუმცა ეს პროდუქტი, ასევე, ფართოდ ინდოეთში, აფრიკასა და, ზოგადად, აზიაში მოიხმარება — მოკლედ, ყველგან, სადაც მიწის თხილი იზრდება.

11. ნატურალური არაქისის კარაქის სხვებისგან გარჩევა შესაძლებელია

სწორად დამზადებული არაქისის კარაქი არ უნდა ჟონავდეს. თუკი კარაქი ძალიან თხელია, ესე იგი არაქისის მარცვლები ზედმეტად წვრილად არის დაფქული ან ბევრი ზეთი აქვს დამატებული. თუმცა ნატურალური არაქისის კარაქის კონსისტენცია მას შემდეგ უნდა შეამოწმოთ, რაც ქილაში საგულდაგულოდ მოურევთ. შენახვის პროცესში ნატურალური მიწისთხილის კარაქი თხელ და სქელ შრეებად ბუნებრივად იყოფა და გამოყენების წინ ეს შრეები ერთმანეთში კარგად უნდა აურიოთ.

12. ფობიებს შორის არაქისის კარაქის სასაზე მიკვრის შიშსაც იპოვით

მას არაქიბუტიროფობია (arachibutyrophobia) ეწოდება.

13. არაქისის კარაქის უმეტესობა ვეგანურია და გლუტენს არ შეიცავს

კიდევ ორი მიზეზი, რის გამოც მასზე უარი არ უნდა თქვათ.

14. მისი დახმარებით ალცაიმერის ადრეული ნიშნების გამოვლენაც შეიძლება

ალცაიმერის დიაგნოზის მქონე ადამიანები არაქისის კარაქის არომატის შეგრძნებას მალევე კარგავენ. ტესტი არაქისის კარაქით ამ დაავადების ადრეული ნიშნების გამოსავლენად ერთ-ერთი საშუალებაა.

15. მიწისთხილის მოშენებით აშშ-ის ორი პრეზიდენტი იყო დაკავებული

აშშ-ს ორი პრეზიდენტი ჰყავდა, რომლებიც, პრეზიდენტად არჩევამდე, მიწისთხილის მოშენებით იყვნენ დაკავებულები. ესენი იყვნენ თომას ჯეფერსონი და ჯიმი კარტერი.

ასე რომ, არაქისის კარაქი კეთილშობილი პროდუქტია, მდიდარი ისტორიითა და დამსახურებული აღიარებით. სნექმა კი ქართული არაქისის კარაქის ისტორიის წერა დაიწყო. მიირთვით სნექი — პირველი ქართული არაქისის კარაქი, ნატურალური, დანამატების გარეშე და იყავით ჯანმრთელები!