სულ უფრო ახლოვდება ნანატრი დღე, როცა ბეჭდების მბრძანებლის სერიალის პრემიერა შედგება და უკვე სულ უფრო ბევრ ისეთ დეტალს ვიგებთ ამ პროექტის შესახებ, რაც აქამდე მკაცრად გასაიდუმლოებული იყო.

იანვარში სერიალთან დაკავშირებული პირველი ვიდეო გამოქვეყნდა და ასევე ოფიციალური სახელწოდებაც გაგვიმხილეს — The Lord of the Rings: Rings of Power (ბეჭდების მბრძანებელი: ძალაუფლების ბეჭდები).

ასევე ოფიციალურად დადასტურდა, რომ ახალი შოუს სიუჟეტი იმ მოვლენებამდე ათასწლეულებით ადრე განვითარებულ ამბებზე მოგვითხრობს, რომლებიც პიტერ ჯექსონის ფილმების აღიარებულ ტრილოგიაში აქამდე გვინახავს: ძალაუფლების ბეჭდები შუახმელეთის მეორე ეპოქის ისტორიას აღწერს, რომელშიც როგორც ნაცნობ, ისე ახალ პერსონაჟებს შევხვდებით.

სულ ახლახან კი ამ პერსონაჟების პირველი პოსტერები გაავრცელა Amazon-მა, ოღონდ ერთი უცნაური გარემოებით: უცნობია, რომელი მსახიობი ან გმირია გამოსახული თითოეულ ვიზუალზე.

ფოტო: Amazon Studios

ფოტო: Amazon Studios

ფოტო: Amazon Studios

ფოტო: Amazon Studios

ფოტო: Amazon Studios

ფოტო: Amazon Studios

ფოტო: Amazon Studios

ფოტო: Amazon Studios

შესაძლოა, ზუსტად არ შეგვიძლია თქმა, თუ ვინ არიან გამოსახული ამ პოსტერებზე, მაგრამ სანაცვლოდ ვიცით სამსახიობო გუნდის ძირითადი შემადგენლობა: მთავარ როლებს შეასრულებენ რობერტ არამაიო, ჯოზეფ მოული, ოვეინ ართური, მორფიდ კლარკი, ემა ჰორვატი და სხვები.

ასევე ჩვენთვის ცნობილია, რომ ბეჭდების მბრძანებლის სერიალის გადაღება, რაც ფილმების მსგავსად ძირითადად ახალ ზელანდიაში მიმდინარეობდა, 500 მილიონ დოლარზე მეტი დაჯდა.

ძალაუფლების ბეჭდების პრემიერა 2 სექტემბერსაა დაგეგმილი.

ასევე იხილეთ: