გარემოს ეროვნული სააგენტოს ინფორმაციით, 4 თებერვლამდე საქართველოში შედარებით თბილი და უმეტესად უნალექო ამინდია მოსალოდნელი.

ჰაერის ტემპერატურა დასავლეთ საქართველოს დაბლობში +13, +18, ხოლო აღმოსავლეთ საქართველოს ბარში +10, +15 გრადუსამდე მოიმატებს.

რაც შეეხება თბილისს, გარემოს ეროვნულ სააგენტოში ამბობენ, რომ თბილისში 4 თებერვლამდე უნალექო ამინდი იქნება, ჰაერი კი +13, +15 გრადუსამდე გათბება.