NDI-ს კვლევის მიხედვით, გამოკითხულთაგან ყოველი მეორე ადამიანი ფიქრობს, რომ საქართველოში დემოკრატია არ არის.

კითხვაზე, არის თუ არა ამჟამად ქვეყანაში დემოკრატია, 50% პასუხობს, რომ არა, 39% პასუხობს, რომ არის, 11%-მა არ იცის.

ასევე, გამოკითხულთაგან ქართული ოცნების მხარდამჭერების 70% ფიქრობს, რომ ქვეყანაში დემოკრატია არის, 22% ფიქრობს, რომ არ არის, ხოლო ოპოზიციის მხარდამჭერების 74% ფიქრობს, რომ ქვეყანაში დემოკრატია არ არის, 21% ფიქრობს, რომ არის.

ფოტო: NDI

ამას გარდა, კვლევაში აღნიშნულია, რომ გამოკითხულთა უმრავლესობა ამბობს, საქართველო თავისი მეზობლებისთვის დემოკრატიის კარგი მაგალითი არ არის.

საზოგადოების განწყობის კვლევა საქართველოში NDI-ის დაკვეთით, CRRC საქართველოს მიერ ჩატარდა. აღნიშნული კვლევა 2021 წლის 7-13 დეკემბრის პერიოდში საქართველოს მასშტაბით 2 099 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1,4 პროცენტი. რესპონდენტები შემთხვევით ნომერზე დარეკვის მეთოდით შეირჩნენ.