პირველი პრობლემა, რაც ჰარი პოტერის მოყვარულებს აწუხებთ, მაგლებთან ერთად ცხოვრებაა. ისინი საყვარელ გმირებთან ერთად ჯადოსნურ სამყაროში ვერ ცხოვრობენ და მათ მსგავსად, თავგადასავლებით სავსე ცხოვრებაც არ აქვთ.

საბედნიეროდ, ბევრი გზა არსებობს იმისათვის, რომ ოცნებები რეალობად აქციოთ. თუ 11 წლის ასაკში ჰოგვორტსიდან წერილი არ მიგიღიათ, ეს იმას სულაც არ ნიშნავს, რომ ჯადოსნურ სამყაროზე უარი უნდა თქვათ.

ქვიდიჩის თამაში

ფოტო: Jack Taylor/Getty Images News/Getty Images

ქვიდიჩის თამაში ჰულა ჰუპებისა და ცოცხების დახმარებითაც შეგიძლიათ. მართალია, ვერ იფრენთ, თუმცაკარგი ფოტოები დაგრჩებათ.

პლატფორმა 93/4

ფოტო: Kritt Normsaskul

კინგს ქროსის სადგურის მოწყობა საკუთარ სახლშიც შეგიძლიათ. კედელზე აგურები დახატეთ, გაითვალისწინეთ ყველა დეტალი რაც მის მოსაწყობადაა აუცილებელი. ბოლოს კი ისღა დაგრჩენიათ, თავი წარმოიდგინოთ ადგილას, საიდანაც ჯადოსნურ სამყაროში გაემგზავრებით.

მაგიის სამინისტროს გზა

ფოტო: Bustle

მაგიის სამინისტროში მოსახვედრად ეს გზაც საკმარისია. ეს იდეა, შეიძლება სასაცილო და არასერიოზული იყოს, თუმცა თუ რონის, ჰერმიონისა და ჰარის მსგავსად ცხოვრება გსურთ, ეს გზაც უნდა გაიაროთ.

ჯადოსნური ფინჯანი

ფოტო: EpicSoles/Etsy

ამ წინასწარმეტყველური ფინჯნით, შეგიძლიათ ჩაის ბოლო წვეთი დალიოთ და მაშინვე თქვენი ბედის პირისპირ აღმოჩნდეთ. თუმცა, არ დაგავიწყდეთ, რომ წინასწარმეტყველების ავტორი თავად ხართ.

რონის ჯემპრი

ფოტო: jmrm/Etsy

თუ უიზლების ოჯახი და მათი ბუნაგი ისევე გიყვართ, როგორც ჰარი პოტერის ყველა სერია, რონის ჯემპრი ერთ-ერთი ღირსეული ნივთი იქნება თქვენი ჯადოსნური სამყაროს სრულყოფისთვის.

საუნდტრეკი

ფოტო: Unsplash/Pixabay

და ბოლოს, თუ გსურთ, რომ თქვენი ყოველდღიური ცხოვრება მაგიური და გასაოცარი იყოს, მოუსმინეთ ჰარი პოტერის ფილმების საუნდტრეკებს.

ამ რჩევების გარდა, თავადაც უამრავი რამის მოფიქრება შეგიძლიათ,რომ დროებით მაინც აღარ იყოთ მაგლი. მართალია, სრულფასოვან ჯადოქრობამდე ბევრი შეიძლება დაგაკლდეთ, მაგრამ ცდად ღირს.