დავით ნარმანიამ თბილისის მერად მეორე ვადით ასარჩევად, საკუთარი კანდიდატურის დაყენებასთან დაკავშირებით დასმულ შეკითხვას უპასუხა, რომ აღნიშნული საკითხი ჯერ გუნდში უნდა გადაწყდეს. ამის შესახებ მან დღეს, თბილისის საკრებულოში, მერიის ანგარიშის წარდგენის შემდეგ ისაუბრა:

"თქვენ იცით, რომ მე ვარ გუნდური მოთამაშე. იქნება კონსულტაციები გუნდში და მიღებული გადაწყვეტილების საფუძველზე მოვიქცევით შესაბამისად. ამის შესახებ, საზოგადოება მოგვიანებით მიიღებს ინფორმაციას".

ადგილობრივი თვითმმართველობის არჩევნები 2017 წლის შემოდგომაზე ჩატარდება.