ჯანდაცვის მინისტრის მოადგილის, თამარ გაბუნიას განცხადებით, ამ ეტაპზე კორონავირუსის მართვისთვის მობილიზებული რჩება 8 000-მდე საწოლი. მისი თქმით, საწოლების ნაწილი სომატური შემთხვევების მართვას დაუბრუნდება.

"რადგან მიმდინარე პერიოდში აშკარად გამოიკვეთა არაკოვიდ პრობლემების სიმწვავე და მათი მართვის აუცილებლობა, ამდენად, კლინიკების ნაწილი, ვინც ჰიბრიდულ რეჟიმში ახორციელებდნენ კოვიდის მართვას, დაუბრუნდება სომატური, ანუ სხვა პრობლემების მართვას", — განაცხადა მან.

კოვიდინფიცირებული პირებისთვის 112-ში რეგისტრაციის პორტალი ამოქმედდა. ჯანდაცვის სამინისტროს ცნობით, თუ პირს კორონავირუსი დაუდასტურდება, შესაძლებლობა აქვს, 112-ში სატელეფონო კონსულტაციის ნაცვლად, პორტალზე er.moh.gov.ge-ზე დარეგისტრირდეს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: