ახალი წლის დაწყებასთან ერთად კინომოყვარულები მოუთმენლად ველით გავიგოთ, თუ რას შემოგვთავაზებენ ამჯერად ჩვენი საყვარელი რეჟისორები და მსახიობები.

დაახლოებით უკვე ვიცით, რა სიახლეებს უნდა ველოდოთ 2022 წელს, მაგრამ საინტერესოა, რომელი ფილმების ნახვას ელოდება ქართველი მაყურებელი ყველაზე მეტად უახლოესი კვირების განმავლობაში?

ახლა იმ მნიშვნელოვან კინოპრემიერებს წარმოგიდგენთ, რომლებიც იანვარ-თებერვალში შედგება:

  • სიკვდილი ნილოსზე / Death On The Nile — აგათა კრისტის ცნობილი დეტექტივის ეკრანიზაცია, რომელშიც მთავარ როლებს გალ გადოტი და არმი ჰამერი ასრულებენ.
  • აგენტი 355 / The 355 — წლის პირველი დაძაბული ტრილერი ჯაშუშ ქალებზე ჯესიკა ჩესტეინისა და პენელოპე კრუზის მონაწილეობით.
  • კინგსმენი / The King's Man — ეს ფილმიც ჯაშუშებსა და პოლიტიკურ ინტრიგებზეა, ოღონდ მისი სიუჟეტი მე-20 საუკუნის დასაწყისში ვითარდება.
  • კივილი / Scream — საშინელებათა ჟანრის ლეგენდარული ფილმების სერია ახალი ნაწილით ბრუნდება და თან მასში მონაწილეობას ისევ იღებს კორტნი კოქსი.
  • ძირტკბილას პიცა / Licorice Pizza — პოლ თომას ანდერსონი ყველასთვის ნაცნობია, ვისაც საავტორო კინო უყვარს და მისი ახალი კომედიური კინოსურათი, წესით, ბევრს დააინტერესებს.
  • კოშმარული ხეივანი / Nightmare Alley — ოსკაროსანმა გილერმო დელ ტორომ ახალი დამაინტრიგებელი ფილმი გადაიღო ვარსკვლავური შემადგენლობით: მასში ბრედლი კუპერი, რუნი მარა და ქეით ბლანშეტი მონაწილეობენ.
  • უცხო მიწა / Uncharted — ცნობილი ვიდეოთამაშის კინოეკრანიზაცია ტომ ჰოლანდის მონაწილეობით თავიდანვე საინტერესო სანახაობას გვპირდება.
  • დავქორწინდეთ / Marry Me — ვისაც რომანტიკული კომედიები უყვარს, მაშინ აუცილებლად უნდა ნახოს ჯენიფერ ლოპესისა და ოუენ უილსონის ეს ახალი ფილმი.
  • რას ვხედავთ, როდესაც ცას ვუყურებთ — ალექსანდრე კობერიძის ამ კინოსურათს უკვე არაერთ საერთაშორისო კინოფესტივალზე გადაეცა პრესტიჟული ჯილდო და კინოკრიტიკოსებმა ერთ-ერთ საუკეთესო თანამედროვე ქართულ ფილმადაც აღიარეს.

ახლა კი ქვემოთ მოცემულ გამოკითხვაში მონიშნეთ, თუ რომელი ფილმის ნახვა გინდათ ჩამოთვლილთაგან ყველაზე მეტად და თან პროცენტული მაჩვენებლით გაიგეთ, რომელი სარგებლობს ყველაზე მეტი პოპულარობით:

აღსანიშნავია, რომ ზემოთ მოცემული ზოგიერთი ფილმის პრემიერა უკვე შედგა ქართულ კინოთეატრებში და დარჩენილი ნაწილიც მალე გამოვა. ამ სიახლეების გასაგებად და დიდ ეკრანზე მათ სანახავად ბილეთები შეგიძლიათ ვებსაიტზე Kinoafisha.ge შეიძინოთ.

ასევე იხილეთ: