ხშირად, მწერლები თავიანთი საქმიანობით არც თუ ისე უზრუნველად ცხოვრობენ და მიუხედავათ მათი მნიშვნელოვანი ტექსტებისა, ცხოვრებას სიღარიბეში ასრულებენ. მსოფლიო ლიტერატურის ისტორიას ბევრი ასეთი მწერალი ახსოვს, მათგან კი მხოლოდ რამდენიმეს შესახებ მოგითხრობთ.

1. ჰ. ფ. ლავკრაფტი

XX საუკუნის საშინელებათა ჟანრის ამერიკელი მწერალი. ლავკრაფტმა მცირედი წარმატების მიღწევა სიცოცხლეშივე შესძლო, რაც იმაში გამოიხატებოდა, რომ ე.წ. მაკულატურის ჟანრის ნოველების ჟურნალში იბეჭდებოდა. მწერალმა ცხოვრების ადრეული წლები სიღარიბეში გაატარა, ისე რომ ზოგჯერ გამოკვებაც კი უჭირდა. იგი 46 წლის ასაკში გარდაიცვალა.

ლავკრაფტის ნაწარმოებებია: ქთულჰუს ძახილი, ნეკრონომიკონის ისტორია და სხვ.

ედგარ ალან პო

პოეტი, რედაქტორი, კრიტიკოსი და დეტექტიური ჟანრის მწერალი. პოპულარობის მიუხედავად, გარდაცვალების წინა პერიოდში სიღატაკის ზღვარზე ცხოვრობდა. ამის მიზეზი კი ის იყო, რომ პოს ფინანსების განკარგვა პასუხისმგებლიანად არ შეეძლო და ამას მისი ალკოჰოლიზმიც ემატებოდა.

პოს ეკუთვნის ნაწარმოებები: ყორანი, აჩრდილი, ეშმა სამრეკლოზე და სხვ.

ოსკარ უაილდი

უაილდი წარმატებული დრამატურგი, მწერალი და პოეტი იყო, თუმცა 1895 წელს იგი სხვა მამაკაცთან უხამსი ქმედების გამო დააკავეს. სასამართლო ხარჯებმა და ჯარიმამ, რომელიც მას დააწესეს, მწერალი გაკოტრებამდე მიიყვანა. 46 წლის ასაკში ის, სრულიად გაღატაკებული, მენინგიტით გარდაიცვალა.

უაილდის ნაწარმოებებია: დორიან გრეის პორტრეტი, ახალგაზრდა მეფე, იდეალური ქმარი და სხვ.

ჰერმან მელვილი

დღესდღეობით, ჰერმან მელვილი ყველა დროის ერთ-ერთი ყველაზე დიდი ამერიკელ მწერლად ითვლება. მელვილის პირველი წიგნი - Typee, მალევე გახდა ბესტსელერი. თუმცა წარმატება ხანმოკლე აღმოჩნდა და მისი კარიერაც უარესობისკენ წავიდა. სიცოცხლის ბოლო პერიოდში მისი ნაწარმოებები აღარ იბეჭდებოდა და მწერალს შემოსავალი აღარ ჰქონდა.

ჰერმან მელვილს ეკუთვნის ყველასათვის ცნობილი ნაწარმოები - მობი დიკი.

ო. ჰენრი

ცნობილი ამერიკელი ნოველისტი. მან 300 მოთხრობა გამოაქვეყნა. თუმცა ის სიღარიბეში გარდაიცვალა. ეჭვგარეშეა, რომ ამის მიზეზი ალკოჰოლიზმი და, ედგარ ალან პოს მსგავსად, ფულის მიმართ მფლანგველობითი დამოკიდებულება იყო.

ზორა ნილ ჰიუსტონი

ამერიკელი ანთროპოლოგი და ფოლკლორისტი, რომელმაც 4 რომანი და 50-ზე მეტი მოთხრობა, პიესა და ესსე დაწერა. წარმატების მიუხედავად, მას ფინანსური პრობლემები შეექმნა, რასაც ჯანმრთელობის პრობლემებიც დაემატა. იგი გულის დაავადებით გარდაიცვალა.

იოზეფ როთი

როთის ყველაზე ცნობილი ნაშრომი, The Radetzky March, XX საუკუნის ერთ-ერთ ყველაზე მნიშვნელოვან ნამუშევრად ითვლება. ჰიტლერის ძალაუფლების გაზრდასთან ერთად, როთი, როგორც ებრაელი, იძულებული იყო ბერლინში სახლი მიეტოვებინა და გაქცეულიყო. მისი მდგომარეობა კიდევ უფრო დაამძიმა ალკოჰოლიზმმა და მეუღლის მძიმე ფსიქიკურმა პრობლემებმა. მის მეუღლეს შიზოფრენია სტანჯავდა. როთი 1939 წელს, პარიზში ალკოჰოლური ინტოქსიკაციით გარდაიცვალა.