ჩინეთში COVID-19-ის სწრაფი გავრცელების გამო მთავრობამ ქალაქ ჭენჭოუს ჩაკეტვა საკმაოდ სწრაფად გადაწყვიტა, შედეგად კი ბრმა პაემანზე წასული ქალი ახალგაცნობილი კაცის ბინაში ჩარჩა.

ქალმა ამ ამბის შესახებ სოციალურ ქსელში დაწერა და აღნიშნა, რომ კაცს ვახშმად ესტუმრა, თუმცა სახლში დაბრუნება ვეღარ შეძლო.

"ჯერ კიდევ მარტოხელა ვარ და ასაკი მემატება, რის გამოც ჩემმა მშობლებმა 10-ზე მეტი ბრმა პაემანი მომიწყვეს", — ვკითხულობთ ქალის პოსტში, რომელიც აღნიშნავს, რომ ეს რიგით მე-5 პაემანი იყო და კაცმა ვახშმად დაპატიჟა, რადგან მზარეულობა კარგად გამოსდის.

ფოტო: Insider

ქალმა სწორედ ვახშმის დროს აღმოაჩინა, რომ ქალაქის ჩაკეტვის გამო რამდენიმე დღე სახლში ვერ დაბრუნდებოდა. ქალმა, გვარად ვანგი, ჩაკეტვიდან მე-4 მედიას განუცხადა, რომ სიტუაცია "არც ისე იდეალურია", იმის მიუხედავად, რომ ახალგაცნობილი კაცი საჭმელს ყოველდღე თავად აკეთებს და "ბევრსაც არ ლაპარაკობს".

ჯერ კიდევ გაურკვეველია, თუ რამდენი ხნით მოუწევს ვონგს ახალგაცნობილი კაცის ბინაში დარჩენა, რადგან ქალაქ ჭენჭოუში COVID-19-ის შემთხვევების რაოდენობა არ შემცირებულა.