პატრიოტთა ალიანსის ერთ-ერთი წევრი და დეპუტატი გიორგი ლომია პარლამენტარების სიცრუის დეტექტორზე შემოწმებას ითხოვს.

ამის შესახებ, ლომიამ დღეს, პარლამენტში მიმდინარე დებატების დროს განაცხადა. მისი თქმით, "უკონტროლო ინტერნეტ რესურსები" და არასამთავრობო ორგანიზაციები ცილს სწამებენ პოლიტიკოსებს:

"შემოვდივარ წინადადებით, დეპუტატებმა გავიაროთ შემოწმება სიცრუის დეტექტორზე და გავარკვიოთ ბოლოს და ბოლოს, ვინ არის აგენტი, რომელი ქვეყნების სპეცსამსახურებთან თანამშრომლობს რომელიმე ჩვენი კოლგა. მზად ვართ, ჩვენი ეს შემოთავაზება ჩვენივე ფრაქციიდან დავიწყოთ."

პატრიოტთა ალიანსი ცილისწამების კრიმინალიზების მოთხოვნითაც გამოდიოდა და 2005 წელს გაუქმებული კანონის აღდგენას ითხოვდა.