ექსპრემიერი გიორგი გახარია ამტკიცებს, რომ მიმდინარე პოლიტიკურ პროცესში განსაკუთრებული არაფერი ხდება. ის ფიქრობს, რომ ამ ეტაპზე პრიორიტეტი პარლამენტისა და საკრებულოების მუშაობა უნდა იყოს.

"განსაკუთრებული ამ პოლიტიკურ პროცესში არც არაფერი არ ხდება. მე ვფიქრობ, რომ საპარლამენტო მუშაობა, საკრებულოები დღეს არის პრიორიტეტი, როდესაც ჩვენმა მოქალაქეებმა მათი ინტერესი უნდა განახორციელონ, მათი ყოველდღიური პრობლემები ამ საკანონმდებლო ორგანოებით. ეს ძალზე მნიშვნელოვანია და მე ამაზე ვმუშაობ", — განაცხადა გიორგი გახარიამ.

კითხვას, სად იყო და რატომ არ ჩნდებოდა დიდი ხნის განმავლობაში საჯაროდ, ასე პასუხობს:

"ვარ, ვიყავი და ვიქნები საქართველოში და თბილისში. ბევრი სამუშაო გვაქვს. მოგეხსენებათ, ჩვენ სრულიად ახალი პარტია გვაქვს და ბევრია საქმე და ბევრია სამუშაო, ამიტომ, ბევრი გვიწევს რეგიონებში ხალხთან მუშაობა. ეს არის და ეს".

რამდენიმეკვირიანი პაუზის შემდეგ გახარია საჯაროდ დღეს, პატრიარქთან ვიზიტისას გამოჩნდა. ის ამბობს, რომ ილია მეორესთან აღსაყდრებიდან 44 წლისთავის მისალოცად მივიდა.

გაიგე მეტი: