დაავადებათა კონტროლისა და საზოგადოებრიივ ჯანმრთელობის ეროვნული ცენტრის დირექტორის, ამირან გამყრელიძის განცხადებით ვაქიცნაცია კორონავირუსისგან დაცვის მთავარი საშუალებაა ომიკრონის შტამის შემთხვევაშიც.

"ვაქცინაცია პრევენციის მთავარი საშუალებაა, რადგან ახალი შტამის პირობებშიც, მიუხედავად ინფიცირებულთა მკვეთრად გაზრდილი რაოდენობისა, აი, ეს დაიმახსოვრეთ კარგად, რომ ვაქცინები ომიკრონზეც იცავენ გართულებებისგან და სიკვდილისგან. ჯანმო-ს მიერ ყველა ავტორიზებულ ვაქცინას აქვს დაცვა ამ მთავარ ორ გართულებაზე, ჰოსპიტალიზაციასა და სიკვდილიანობაზე", — განაცხადა გამყრელიძემ.

იგივეს ამბობს ჯანდაცვის მინისტრის მოადგილეც. თამარ გაბუნია ბუსტერ დოზების მნიშვნელობას უსვამს ხაზს.

"მონაცემები, რაც აქამდე არსებობს, მიუთითებს იმაზე, რომ ის ვაქცინები, რაც ჩვენ დღეს ხელთ გვაქვს, არის კვლავაც ეფექტური ჰოსპიტალიზაციის დამძიმების და ლეტალობის თავიდან აცილების კუთხით. განსაკუთრებით მოგვიწოდებს ჯანმრთელობის მსოფლიო ორგანიზაცია ბუსტერ დოზის მნიშვნელობაზე, რადგან ბუსტერ დოზა აძლიერებს მნიშვნელოვნად იმუნიტეტს", — ამბობს გაბუნიამ.

გამყრელიძემ და გაბუნიამ ეს განცხადებები საკოორდინაციო საბჭოს სხდომის შემდეგ გააკეთეს. მათი ინფორმაციით, ხვალ, 23 დეკემბერს იკრიბება ვაქცინაციიის საბჭო, სადაც იმსჯელებენ ბუსტერ დოზების ვადებზე.