იუსტიციის მინისტრის, რატი ბრეგაძის განცხადებით, სავალდებულო სამხედრო სამსახური ყველამ უნდა მოიხადოს. მისი აზრით, ეს "უნიკალური გამოცდილებაა", რომელიც ადამიანს ცხოვრებაში "ერთხელ ეძლევა". ბრეგაძის თქმით, იუსტიციის სამინისტრო ჯარების პოპულარიზაციაზე უფრო აქტიურად იმუშავებს.

"ნებისმიერმა ადამიანმა, ვისაც ჯანმრთელობა ამის შესაძლებლობას აძლევს, უნდა მოიხადოს, ნამდვილად, სამხედრო სავალდებულო სამსახური ქვეყნის წინაშე. იმიტომ, რომ ეს არის უნიკალური გამოცდილება, რომლის შანსიც ადამიანს ერთხელ ეძლევა ცხოვრებაში.

ბუნებრივია, იუსტიციის სამინისტრო ამ მიმართულებით იუსტიციის სახლებისა და საზოგადოებრივი ცენტრების მეშვებობით ძალიან აქტიურად მუშაობს და კიდევ უფრო აქტიურად იმუშავებს მოსახლეობაში ჯარის პოპულარიზაციის კუთხით", — თქვა ბრეგაძემ.

ამ წუთებში რატი ბრეგაძეს პარლამენტში მინისტრის საათის ფარგლებში უსმენენ.

გაიგე მეტი: