საპატრიარქოს საზოგადოებასთან ურთიერთობის ხელმძღვანელი, ანდრია ჯაღმაიძე პარლამენტში კანონპროექტის განხილვას დაესწრო, რომელიც აზარტულ თამაშებთან დაკავშირებით კანონის გამკაცრებას ითვალისწინებს. მან თქვა, რომ ისურვებდა, საერთოდ აკრძალულ იყოს აზარტული თამაშები.

"იდეალურ შემთხვევაში ვისურვებდით, რომ საერთოდ იყოს აკრძალული აზარტული თამაშები. მაგრამ დღეს ვმსჯელობთ რაღაცა ეტაპზე ეტაპზე გადასასვლელად, აი, ამ რეგულაციების, რომელიც შეზღუდავს ძალიან ბევრ ახალგაზრდას და ადამიანს, რომელიც იმედით, მაგრამ მოტყუებული საბოლოო ჯამში მიდის აი ამ აზარტული თამაშების სფეროში.

ჩვენს მიერ დაწყებული საუბრები ამ თემაზე, პარალელურად ფინანსთა სამინისტროში მუშავდებოდა, ჩავერთეთ და თითქმის წელიწად ნახევარი, აი, ამ მუშა ჯგუფში კომისიაში ჩართული იყო საპატრიარქო და საპატრიარქოს მიერ მოწვეული ჯგუფი", — თქვა ჯაღმაიძემ.

პარლამენტი დაჩქარებული წესით იხილავს კანონპროექტს, რომელიც აზარტულ თამაშებთან დაკავშირებით კანონის გამკაცრებას ითვალისწინებს. ამას გამოეხმაურა მედიაკოალიცია და კანონპროექტი უარყოფითად შეაფასა. ორგანიზაციაში აცხადებენ, რომ განმარტებით ბარათში მოყვანილი არგუმენტები პრობლემური და არასაკმარისია. მათი თქმით, არსებობს რისკი, რომ საკანონმდებლო ცვლილება მაუწყებლებს ფინანსურად მნიშვნელოვნად დააზარალებს