მაშველებისა და ფლეიბოის ვარსკვლავი, პამელა ანდერსონი Coco de Mer-ის სარეკლამო კამპანიაში მონაწილეობს. რომლის შესახებაც სტატიას ჟურნალი Vogue ახალ ნომერში შესთავაზებს მკითხველს.

მსახიობმა ფოტოსესიის დასრულების შემდეგ საკუთარი გარეგნობის შესახებაც ისაუბრა და თქვა, რომ ბოლო პერიოდში გატაცებულია სპორტდარბაზში სიარულით, მისი მთავარი საიდუმლო კი ვეგეტარიანელობაა.

"ვეგეტარიანელობა ახალგაზრდობის შენარჩუნებაში მეხმარება", - ამბობს პამელა ანდერსონი.

ფოტო: RANKIN/COCO DE MER

პამელა ეკრანზე გამოჩენის პირველივე დღიდან ნამდვილ ვარსკვლავად იქცა. თუმცა მაშველებში მონაწილეობის გარდა, მისი ერთადერთი წარმატება ფლეიბოის ყდაზე გამოჩენა იყო, სხვა მხრივ, მისი კარიერა გაურკვეველი წარმომავლობის ფილმებს მოიცავს.

აღსანიშნავია, რომ რამდენიმე თვის წინ პამელა ანდერსონი ორგანიზაცია PETA-ს საქველმოქმედო მისიით საფრანგეთს ეწვია და დიუნკერკის სანაპიროზე ლტოლვილთა ბანაკები მოინახულა.

მსახიობმა იქ მცხოვრებ ადამიანებს პირველადი დახმარების ნივთები გადასცა, ბავშვებს კი წიგნები დაურიგა.