პოლიციის ფორმაში ჩაცმული ბრიტანეთის პრემიერმინისტრი, ბორის ჯონსონი ლივერპულში ნარკორეალიზატორების დასაკავებლად ჩატარებულ სპეცოპერაციას დაესწრო. ამის შესახებ ინფორმაციას ის საკუთარ Twitter-ზე ავრცელებს.

"ჩვენ კრიმინალის წინააღმდეგ უფრო მკაცრები ვხვდებით, რომ უზრუნველვყოთ უსაფრთხოება, დაცვა და მხარდაჭერა, რაც საზოგადოებას სჭირდება", — წერს ის.

მისივე თქმით, მთავრობა ნარკორეალიზატორების წინააღმდეგ საბრძოლველად 300 მილიონი ფუნტი სტერლინგის, ასევე, ნარკომომხმარებლების რეაბილიტაციისთვის ინვესტიციას გეგმავს. BBC-ის ცნობით, მთავრობის ნარკოდანაშაულების წინააღმდეგ ბრძოლა 10-წლიან სტრატეგიას მოიცავს.

ამასთან, როგორც The Washington Post წერს, ჯონსონის მიერ ნარკოპოლიტიკის გამკაცრების გეგმის პარალელურად, ბრიტანეთის პარლამენტში ნარკომოხმარების ცნობები ვრცელდება.