რუსეთის პრეზიდენტი, ვლადიმერ პუტინი იმედოვნებს, რომ ჯანდაცვის მსოფლიო ორგანიზაცია (WHO) რუსულ ვაქცინას, Sputnik V-ის ავტორიზაციას მალე მიანიჭებს. ამის შესახებ ინფორმაციას რადიო თავისუფლების ევროპის ბიურო ავრცელებს.

ამასთან, როგორც გამოცემა TASS წერს, პუტინის მტკიცებით, რუსული ვაქცინა არსებულებს შორის ერთ-ერთი ყველაზე ეფექტურია, შესაბამისად, მისი აზრით, Sputnik V-ის ფართოდ გამოყენება უნდა დაიწყოს.

30 ივნისს რუსეთის პრეზიდენტმა განაცხადა, რომ თავად Sputnik V-ით აიცრა. ინფორმაცია იმის შესახებ, რომ მან ვაქცინაცია ჩაიტარა, მარტში გავრცელდა, თუმცა მაშინ კრემლის პრესსამსახურში არ დააზუსტეს, რომელი ვაქცინა გაიკეთა პრეზიდენტმა.