კალათბურთის საერთაშორისო ფედერაციის (FIBA) აღმასრულებელი დირექტორი, კამილ ნოვაკი ევრობასკეტის დარბაზის მშენებლობის ტემპით შეშფოთებულია. ამის შესახებ მან თბილისში ვიზიტის დროს, დარბაზის მშენებლობის პროცესის დათვალიერების შემდეგ ისაუბრა. მისი თქმით, დარბაზი თებერვლისთვის უკვე მზად უნდა ყოფილიყო, თუმცა ვარაუდობს, რომ ვერ მოესწრება.

"აქ ბოლოს 2021 წლის მარტ-აპრილში ვიყავი, მშენებლობის ექსპერტი არ ვარ, მაგრამ ამ დროის მდგომარეობით მართლაც დიდი ძალისხმევაა საჭირო, რომ დარბაზი დროზე დამთავრდეს, გადახურვა უკვე დასრულებული უნდა იყოს.

დრო გადის და სამუშაოები ძალიან სწრაფად უნდა გაგრძელდეს. როგორც მიხვდით, რომ საკვალიფიკაციო ეტაპის მეორე ფანჯარა ამ დარბაზში ჩატარდეს, ნამდვილად არარეალურია, ამიტომ ახლა მიზანი უნდა იყოს, რომ ივნის-ილისის ფანჯრისთვის მაინც მზად იყოს", — აღნიშნა მან.

საქართველოს კალათბურთის ეროვნული ფედერაციის ცნობით, ამ ვიზიტის ფარგლებში საქართველოს FIBA აღმასრულებელ დირექტორთან ერთად, FIBA-ს ევროპის პრეზიდენტი, თურგაი დემირელი და ბორდის წევრები ეწვივნენ.