ჟენ იაია ჩინელი ინჟინერია, რომელიც კომპანია Huawei-ში სამი წელის განმავლობაში მუშაობდა, სადაც ხელოვნურ ინტელექტსა და რობოტიკაზე მომუშავე განყოფილება ჩამოაყალიბა.

ამჟამად ის თავის სტარტაპს Brain of Things-ს ხელმძღვანელობს და ახლობლებისა და მსოფლიოს ყურადღება თავისი არაორდინალური საქციელით მიიპყრო.

საქმე ისაა, რომ ჟენი საკუთარი ხელით შექმნილ რობოტზე დაქორწინდა და ამის აღსანიშნავად დიდი წვეულებაც მოაწყო, რომელსაც მისი მეგობრები და დედაც ესწრებოდნენ. რობოტს სახელად ინინი ჰქვია და მარტივი წინადადებებით საუბარიც შეუძლია.

ჟენი ცოლს კარიერულ წინსვლაშიც ეხმარება და თავის კომპანიაში პრეს-სპიკერისა და კომუნიკაციების დირექტორის თანამდებობაზე დანიშნა.

ფოტო: PEAR VIDEO

ადგილობრივ მედია საშუალებებთან ინტერვიუს მიცემისას, ჟენმა ჟურნალისტებს განუცხადა, რომ ცოლი რობოტის განახლებასა და დახვეწას გეგმავს და ინინი მალე სიარულსა და საოჯახო საქმეების შესრულებასაც შეძლებს.

"ჩემი ოცნება ახდა, მაგრამ მინდა, რომ მომავალში მსგავსი რობოტები ყველა სახლში ვიხილო, დასახული მიზნის მისაღწევად კი ყველანაირად შევეცდები მეგობარი გოგო რობოტები მაქსიმალურად რეალისტურად გამოიყურებოდნენ", - ამბობს ჟენ იაია.

ქორწინება, ცხადია, არაფორმალურია და სახელმწიფო ამ აქტს არ აღიარებს. ექსპერტების ვარაუდით, ადამიანებსა და რობოტებს შორის ქორწინება ლეგალური 2050 წლისთვის გახდება, რადგან აღნიშნულ იურიდიული აქტის არსებობაზე დიდი მოთხოვნა არსებობს.