აფხაზური საინფორმაციო სააგენტოების ინფორმაციით, დე-ფაქტო აფხაზეთში დისლოცირებული რუსული სამხედრო შენაერთები სამხედრო მზადყოფნის შესამოწმებლად მასშტაბურ შემოწმებას ატარებენ.

აფხაზეთში განთავსებულ რუსულ სამხედრო ბაზაზე მზადყოფნის შესამოწმებლად განგაში გამოცხადდა. ოპერაციაში 500 რუსი სამხედრო მონაწილეობს ასამდე ერთეული ჯავშანტრასპორტიორით, სატვირთო ავტომობილითა და ტანკებით.

Abkhaz Inform-ის ცნობით, სამხედროებმა პოლიგონზე 150 კილომეტრიანი მარში მოაწყვეს, მათ შორის შეამოწმეს, სამხედრო ტექნიკა რამდენად ეფექტიანად შეძლებს მთაში, ვიწრო გზებზე მანევრირებასა და მტრის წინააღმდეგ ბრძოლას. ასევე შემოწმდა ბრძოლის ველიდან დაშავებულთა ევაკუაციის შესაძლებლობები.

ტესტირების ფარგლებში, პოლიგონზე მიმდინარეობდა სროლაც სხვადასხვა სამხედრო აღჭურვილობიდან და ტექნიკიდან.