სავალდებულო სამხედრო სამსახურში საგაზაფხულო გაწვევა დაიწყო. ინფორმაციას რეგიონული განვითარებისა და ინფრასტრუქტურის სამინისტრო ავრცელებს.

2016 წლის საგაზაფხულო გაწვევა ივნისის ბოლომდე გაგრძელდება. სავალდებულო სამხედრო სამსახურში გაიწვევენ 18-დან 27 წლამდე ყველა მოქალაქეს, რომელსაც არ აქვს გაწვევისგან გათავისუფლების, ან მისი გადავადების უფლება. მოქალაქე ვალდებულია, შეტყობინების მიღებისთანავე შესაბამის სამსახურში გამოცხადდეს.

წვევამდელები სახელმწიფოს სხვადასხვა უწყებაში ასე გადანაწილდებიან: შსს სამინისტროში - 720 წვევამდელი, პრობაციის სამინისტროში - 1020, სახელმწიფო უსაფრთხოების სამსახური - 443, ხოლო თავდაცვის სამინისტროს შეიარაღებული ძალების ქვედანაყოფი - 1000 წვევამდელს.

გამწვევი კომისიები ქვეყნის მასშტაბით ყველა თვითმმართველ ერთეულშია შექმნილი.