საერთაშორისო ჯგუფ ვიონის წევრი ბილაინი აბონენტებს ინტერნეტ პრემიუმი ხაზის ახალ სამთვიან პაკეტებს სთავაზობს. მოცემული პაკეტების აქტივაციისას აბონენტი ერთჯერადად იხდის პაკეტის 3 თვის საფასურს და მომდევნო 3 თვის განმავლობაში ყოველ თვე ავტომატურად ერიცხება პაკეტის შესაბამისი ოდენობის მეგაბაიტები. ინტერნეტ პრემიუმის ახალი პაკეტების მომხმარებელი 3 თვის განმავლობაში ასევე სარგებლობს ღამის ულიმიტო ინტერნეტით და საჩუქრად იღებს Stingray Music App-ის პრემიუმ პაკეტს, იმავე ვადით.

ინტერნეტ პრემიუმის ახალი პაკეტებია:

  • 50GB (08:00 - 00:15) + ღამის ულიმიტო ინტერნეტი (00:15 - 08:00) + Stingray Music App პრემიუმ პაკეტი - ₾50, ვადა 90 დღე;
  • პრემიუმ მიქსი: 25GB + Stingray Music App პრემიუმ პაკეტი, ულიმიტო ზარები ყველა ადგილობრივ ქსელთან (+ ფიქსირებული ქსელები), ულიმიტო SMS - ₾60, ვადა 90 დღე;
  • MyBeeline App-ის სპეციალური შეთავაზება: 70GB (08:00 - 00:15) + ღამის ულიმიტო ინტერნეტი (00:15 - 08:00) + Stingray Music App პრემიუმ პაკეტი - ₾50, ვადა 90 დღე;

ინტერნეტ პრემიუმი პაკეტების აქტივაცია შესაძლებელია როგორც USSD კოდით, ასევე MyBeeline App-ით, ბილაინის ვებგვერდიდან და ბილაინის facebook ჩატ-ბოტის დახმარებით.

Stingray 23 წლის წინ დაარსებული საერთაშორისო ბრენდია. მუსიკალური პლატფორმა Stingray Music 150-ზე მეტი სხვადასხვა ჟანრის მუდმივად განახლებად ფლეილისტს მოიცავს, რომლებიც თანამედროვე მუსიკალური ტრენდებისა და მსმენელთა უკუკავშირის საფუძველზე 200-მდე ადამიანის მიერ ყოველდღიურად იქმნება. Stingray Music-ის პრემიუმ პაკეტი კი მუსიკის მოსმენის შესაძლებლობას ურეკლამოდ და მაღალი აუდიო ხარისხის მეშვეობით იძლევა. აპლიკაციის ჩამოსატვირთად მომხმარებელს შეუძლია ეწვიოს Play Store-სა და App Store-ს.

ბილაინის მიზანია ხელი შეუწყოს ინტერნეტის ხელმისაწვდომობას ქვეყანაში, რისთვისაც მუდმივად ავითარებს ახალ ციფრულ პროდუქტებს და მსოფლიოში წამყვან კორპორაცია ნოკიასთან ერთად ძირითადი ქსელის განახლებაზე მუშაობს, რათა რაც შეიძლება მეტ აბონენტს ჰქონდეს წვდომა ხარისხიან 4G მომსახურებაზე.