გირჩი — მეტი თავისუფლების ინფორმაციით, სახელმწიფო უსაფრთხოების სამსახურთან გამართულ აქციებზე სულ 9 ადამიანი დააკავეს, ვანო ჩუთლაშვილი, დაჩი გიორგაძე, ირაკლი კუკანია, თემურ გიორგაძე, გიორგი ფუტკარაძე, იმედა კლდიაშვილი, ბადრი გრიგალაშვილი, ზურა ხომერიკი და ტორესა მოსი.

ევაკუატორით გადაიყვანეს თბილისში ზურაბ ჯაფარიძე, რუსთავში ირაკლი კუკანია, ქუთაისში იმედა კლდიაშვილი, ბათუმში თემურ გორგაძე.

გირჩი — მეტი თავისუფლების წევრებმა ექვს ქალაქში სახელმწიფო უსაფრთხოების სამსახურის შენობებთან აქციები გამართეს. პარტიის ინფორმაციით, ექვს ქალაქში, თბილისში, ქუთაისში, ბათუმში, რუსთავში, თელავსა და გორში, სუს-ის ოფისების შესასვლელთან მანქანები ჩააყენეს.

პარტია ითხოვს სრულად პროპორციულ 2%-იან საარჩევნო სისტემას, რიგგარეშე არჩევნებს გაზაფხულზე და პრეზიდენტი სააკაშვილის გადაყვანას სამოქალაქო კლინიკაში.

აღნიშნულზე On.ge დაუკავშირდა შინაგან საქმეთა სამინისტროს და ინფორმაციას მოწოდებისთანავე შემოგთავაზებთ.