ექსპრეზიდენტის ექიმის, ნიკოლოზ ყიფშიძიც განცხადებით, მიხეილ სააკაშვილის მდგომარეობა დღეს იყო უფრო უარესია, ვიდრე გუშინ. ის აცხადებს, რომ არაფერი იცვლება და ასე გაგრძელება აღარ შეიძლება, ამიტომ საჭიროა გადაწყვეტილების დროულად მიღება.

"ასე გაგრძელება შეუძლებელია, ასე რომ, მოვუწოდებ ჯანდაცვის სამინისტროს, შეხვდეს ექიმებს, შეხვდეს კონსილიუმს. აგერ არის ალტერნატიული კომისიის წევრი, შეხვდეს ძველ კონსილიუმს და ან იქეთ, ან აქეთ. რას ვუშვებით ჩვენ პრეზიდენტს, გადაგყვავს ის მაღალპროფილურ საქალაქო დაწესებულებაში, თუ არა? იმიტომ, რომ ასე გაგრძელება შეუძლებალია, ყოველდღე მოვდივარ, ღამე გელაპარაკებით თქვენ და არაფერი არ იცვლება", — განაცხადა მან.

ყიფშიძის თქმით, სააკაშვილის ერთ-ერთი მაჩვენებელი იყო კრიტიკულ მაჩვენებელზე და სხვადასხვა საშუალებით მისი აწევა შეძლეს, მაგრამ გადასხმის გარეშე, რადგან ექსპრეზიდენტი გლდანის ციხეში მკურნალობაზე უარს ამბობს. გარდა ამისა, ყიფშიძის თქმით, მას ჰქონდა მაღალი წნევა.

სააკაშვილმა 10 ნოემბერს განაცხადა, რომ როგორც კი გადაიყვანენ სათანადო დაწესებულებაში, შიმშილობას შეწყვეტს. სანამ გლდანის ციხის სამკურნალო დაწესებულებაშია, ის უარს აცხადებს მკურნალობაზე. პასუხად იუსტიციის მინისტრმა თქვა, რომ მოხარული იქნებიან, თუ სააკაშვილი შიმშილობას შეწყვეტს, მაგრამ დათქმების გარეშე.