დროას ლიდერი ელენე ხოშტარია აცხადებს, რომ სასწრაფო დახმარება პარლამენტმა გამოიძახა და მას არ უთხოვია. მისი თქმით, სუსტად არის, მაგრამ დრამატული არაფერი ხდება.

"წნევა ნორმის ფარგლებში მაქვს. გლუკოზამ ცოტა დაიწია, მაგრამ ნორმის ფარგლებშია. პულსიც ოდნავ დაბალია, მაგრამ ნორმის ფარგლებში. დრამატული არაფერი არ ხდება. უბრალოდ ცოტა სისუსტე მაქვს და ხშირად მძინავს, ამიტომ ყველას ვერ გპასუხობთ", — წერს ის.

ხოშტარია აღნიშნავს, რომ გამოსავალი მარტივია და ხელისუფლებამ სააკაშვილი უნდა გადაიყვანოს სამოქალაქო კლინიკაში.

სასწრაფოს ექიმის განცხადებით, ხოშტარია თავს სუსტად გრძნობს, მაგრამ გადასხმაზე უარი თქვა. მისივე თქმით, სასიცოცხლო პარამეტრები ოდნავ შეიცვალა, მაგრამ ნორმის ფარგლებში რჩება.

ხოშტარიამ შიმშილობა 5 დღის წინ დაიწყო. მისი მთავარი მოთხოვნაა, ექსპრეზიდენტი მიხეილ სააკაშვილი სამოქალაქო კლინიკაში გადაიყვანონ. ექიმის ინფორმაციით, ის იღებს მხოლოდ სითხეს და უარს ამბობს, ვიტამინებსა და სხვა მედიკამენტებზე.

ამავე თემაზე: