Manifest.ge-ზე მოქალაქე პეტიციას აქვეყნებს და ექსპრეზიდენტ მიხეილ სააკაშვილს შიმშილობის შეწყვეტას სთხოვს. პეტიციას ამ დროისთვის საჭირო 10 000 ხელმოწერიდან 402 აქვს.

"ჩვენ, საქართველოს მოქალაქეები, რომელთათვისაც ძვირფასია ჩვენი ქვეყნის მესამე პრეზიდენტის სიცოცხლე, მოგმართავთ თხოვნით, შეეწყვიტოთ შიმშილობა — ისევ საქართველოს საკეთილდღეოდ. გთხოვთ, ყურად იღოთ ჩვენი, საქართველოს მოქალაქეების თხოვნა და არ გაწიროთ თქვენი სიცოცხლე. თქვენი სიცოცხლის შეწყვეტა ხომ სწორედ თქვენს და საქართველოს მტრებს გაახარებდა. თქვენ ცოცხალი, ჯანმრთელი და დღეგრძელი სჭირდებით საქართველოს", — ნათქვამია პეტიციაში.

მიხეილ სააკაშვილი 1-ლ ოქტომბერს დააკავეს. ის დაპატიმრებიდან 32-ე დღეა შიმშილობს.