იმერეთში, ფორმულას გადამღებ ჯგუფს, სავარაუდოდ ქართული ოცნების კოორდინატორმა სიტყვიერი შეურაცხყოფა მიაყენა და ქვა ესროლა. კითხვაზე, რატომ ჰქონდა სიები, მან უპასუხა, რომ ინიშნავდა რა უნდა ეყიდა ბავშვის დაბადების დღისთვის.

"უნდა გაგასვენოთ თქვენ. რა სია მექნება? ვწერ მე ჩემ საქმეზე, მაქვს ბავშვის დაბადების დღე. რას ვწერ და რა უნდა ვიყიდო ხვალ, რო წევიდე და რა მეყოფა-თქო, რა უნდა გავაკეთო ახლა მანქანაში [...] არ მინდა, ნუ მიღებ, გადით იქით. გადი იქით, ნუ მიღებ. შენი საქმე რა არი? შენ ვინ გეკითხება? გაეთრიე აქედან", — ამბობს ქალი.

ჟურნალისტმა ჰკითხა, ხომ არ უხდიდა ის თანხას არჩევნებზე მისულებს, რაც ქალმა უპასუხა, რომ პირიქით, თავად იღებდა ფულს.

"არა, მე ვიღებ თანხას, ველოდები. ფული რომ მომცენ ველოდები და ვიწერ, რამდენს მომცემენ. დეგენერატი ხარ, აბა რა ხარ, შე შტერო ქალო", — ამბობს ქალი.

დღეს, 30 ოქტომბერს ადგილობრივი თვითმმართველობის არჩევნების მეორე ტური იმართება. მერი 15 თვითმმართველ თემსა და 5 თვითმმართველ ქალაქში, მათ შორის, თბილისში აირჩევა. გარდა ამისა, მეორე ტური გაიმართება 24 საარჩევნო ოლქში, რომლის შედეგად აირჩევა 42 მაჟორიტარი.