თბილისში 67-ე სკოლაში არსებულ საარჩევნო უბანზე ხმაური იყო. ერთ-ერთ არასამთავრობო ორგანიზაციის დამკვირვებლის თქმით, უცხო პირი ეგზიტპოლებს ატარებდა ისე, რომ შესაბამისი აკრედიტაცია არ ჰქონდა.

მისი განცხადებით, აღნიშნულ პირი ამბობდა, რომ არის ანოვას წარმომადგენელი და ეკეთა ბეიჯი, რომელზეც კალმით იყო მიწერილი სახელი-გვარი და კომპანია. მისივე თქმით, მან ბეიჯი მას შემდეგ მოიხსნა, რაც შენიშნეს და ჰკითხეს რა აღრიცხვას აწარმოებდა.

როგორც დამკვირვებელი ამბობს, აღნიშნული პირი უბნიდან გამოსულ მოქალაქეებს ყუთში აყრევინებდა გარკვეულ ფურცლებს. მისივე თქმით, უკვე გამოიძახეს პოლიცია.

"ამბობს, რომგასარკვევია, რამდენად კანონის დაცვით არის შემოსული ეს ქალბატონი საარჩევნო უბანზე. ხმის მიცემის ფარულობის პირდაპირ დარღვევასთან გვაქვს საქმე", — განაცხადა მან.

მოგვიანებით ჟურნალისტებს ესაუბრა ქალი, რომელიც ამბობს, რომ არის ანოვას წარმომადგენელი, მაგრამ არ იცის ვისთვის ატარებს ეგზტიპოლებს. მისი თქმით, მოქალაქეებს აძლდევს კითხვარს, რომელშიც უნდა დაწეროს ვის მისცეს ხმა.

განახლება: ადგილზე მისვლის შემდეგ პოლიციამ ოქმი შეადგინა და ანოვას წარმომადგენელს სამართლებრივი მხარის მოწესრიგებამდე ამომრჩევლების გამოკითხვა აუკრძალა. როგორც ადგილზე განმარტეს ანოვას ეგზიტპოლის ჩატარების ნებართვა ცესკოდან ჰქონდა.