ზუგდიდში ერთიანი ნაციონალური მოძრაობის აქცია — "ბრძოლა გამარჯვებისთვის, ბრძოლა მიშას თავისუფლებისთვის" იმართება.

"მე ძალიან ხშირად ვამბობ, რომ ეს არ არის მხოლოდ პოლიტიკურ პარტიებს შორის ბრძოლა. ეს არის ისტორიული ბრძოლა ერთიან, ძლიერ, დამოუკიდებელ, თავისუფალ, ევროპულ საქართველოსა და სიბნელეს შორის. ეს არის ბრძოლა სამართლიანობასა და უსამართლობას შორის და ამ ბრძოლაში ჩვენ არ გვაქვს უფლება დავიღალოთ.

ამ ბრძოლაში ჩვენ არ გვაქვს უფლება უკან დავიხიოთ. არ გვაქვს უფლება ყოყმანის, უიმედობის, ნიჰილიზმის იმიტომ, რომ ჩვენს უკან არის საქართველო, იმიტომ, რომ ჩვენს უკანა რის ადამიანი, რომელიც ახლა სამარტოო საკნიდან გვადევნებს თვალს და თავის ბრძოლით, თავგანწირვით გვაძლევს მაგალითს", — განაცხადა ნაციონალური მოძრაობის დეპუტატმა, ანა წითლიძემ აქციაზე.

აქცია ზუგდიდში ანა წითლიძემ 26 ოქტომბერს დააანონსა. აღსანიშნავია, რომ დღეს, 27 ოქტომბერს აქცია ქართულმა ოცნებამაც გამართა. მათ მიერ დაანონსებული "პარტიის მხარდამჭერების შემაჯამებელი საარჩევნო შეკრება" თბილისში, თავისუფლების მოედანზე გაიმართა.

გაიგე მეტი: