ერთიანი ნაციონალური მოძრაობის წევრის, გიორგი ბოტკოველის თქმით, თიანეთის მერობის კანდიდატისგან, თამაზ მეჭიაურისგან კოალიციურ მმართველობაზე მზაობაა. ამის შესახებ მან TV პირველის ეთერში ისაუბრა.

"ჩვენი შეთავაზება რაც არის დღეს ნებისმიერ ქალაქში და ნებისმიერ მუნიციპალიტეტში, ეს არის კოალიციური მმართველობა ადგილობრივ დონეებზე. დღეს მქონდა საუბარი ზუსტად, მაგალითად, თამაზ მეჭიაურთან, მე როგორც პარტიის წარმომადგენელს ისე, რეგიონული სამსახურის წარმომადგენელს და ასევე მისი მზაობა და შემოთავაზებაა კოალიციურ მმართველობაზე", — თქვა ბოტკოველმა.

ბოტკოველმა ასევე ისაუბრა, რომ თიანეთში, ცაგერში და ოზურგეთში, ანუ იქ სადაც არჩევნების მეორე ტურში არ არის ნაციონალური მოძრაობის კანდიდატი, მიმდინარეობს მოლაპარაკებები კოალიციურ მთავრობაზე. ნაციონალურმა მოძრაობამ კოალიციური მთავრობა თბილისში, ქუთაისსა და ფოთში უკვე წარადგინა.