ამ წუთებში რუსთავის #12 პენიტენციურ დაწესებულებასთან ექსპრეზიდენტ მიხეილ სააკაშვილის მხარდამჭერი აქცია იმართება. ადგილზე შეკრებილები არიან პოლიტიკოსები, აქტივისტები და რიგითი მოქალაქეები. ისინი აცხადებენ, რომ მხარდამჭერი შეძახილებითა და ხმამაღალი სიტყვებით გააგონებენ ხმას ციხეში მყოფ სააკაშვილს და ასე გაამხნევებენ მას.

რუსთავის მერობის კანდიდატის, დავით კირკიტაძის განცხადებით, მსგავსი აქციები, საბოლოო ჯამში, აუცილებლად გამოიღებს შედეგს და მიხეილ სააკაშვილი გათავისუფლება.

სააკაშვილის მხარდამჭერი აქცია გუშინ ბათუმშიც გაიმართა. სიტყვით გამომსვლელებმა მოსახლეობას 30 ოქტომბრის არჩევნებზე მისვლისკენ მოუწოდეს და წარმატებები უსურვეს გიორგი კირთაძეს, რომელიც ბათუმის მერობისთვის იბრძვის.

აღსანიშნავია, რომ თავად სააკაშვილი, რუსთავის ციხიდან გამოგზავნილ ერთ-ერთ წერილში წერდა, რომ მნიშვნელოვანია 30 ოქტომბრამდე პერმანენტული აქციების ჩატარება და მთელი ძალისხმევის მეორე ტურისკენ მიმართვა.