ლიეტუვის საგარეო საქმეთა მინისტრის, გაბრიელიუს ლანდსბერგისის განცხადებით, საქართველოს, მოლდოვასა და უკრაინას ინტეგრაცია ევროკავშირის ინტერესებშიცაა. ინფორმაციას ლიეტუვას საგარეო საქმეთა სამინისტრო სოციალურ ქსელ Twitter-ზე ავრცელებს.

"აღმოსავლეთ პარტნიორობის წარმატებისთვის, ევროკავშირის აღმოსავლელ პარტნიორებს სჭირდებათ მკაფიო პერსპექტივა. არ არის საჭირო მათი შეჩერება, ვისაც სურს და მზად არის უფრო სწრაფი წინსვლისთვის. საქართველოს, მოლდოვას და უკრაინის პოლიტიკური ასოციაცია და ეკონომიკური ინტეგრაცია ევროკავშირთან, თავად ევროკავშირის ინტერესებშიცაა", — თქვა ლანდსბერგისმა.