პენიტენციური სამსახურის ინფორმაციით, რუსთავის N17 დაწესებულებაში ხანძარი ლოკალიზებულია. ხანძრის შედეგად, დაწესებულებას ელექტროენერგიის მიწოდება ამ ეტაპზე შეწყვეტილი აქვს. უწყებაში აცხადებენ, რომ პატიმრები ოჯახის წევრებთან დაკავშირებას ელექტროენერგიის აღდგენისთანავე შეძლებენ.

პენიტენციური სამსახურში აცხადებენ, რომ N17 დაწესებულება რუსთავში მდებარე სხვა პენიტენციური (N 5, N 6, N 12, N 16) დაწესებულებებისგან მოშორებით მდებარეობს და ცეცხლის გავრცელების საფრთხე არ არსებობს.

პენიტენციური სამსახურის ინფორმაციით, ხანძარი N17 დაწესებულების სამზარეულოში 14:20 საათზე გაჩნდა.