რამდენიმე თვის წინ Warner Bros-მა ვილი ვონკას ახალგაზრდობის შესახებ ფილმის გადაღება დააანონსა, რომელშიც მთავარ როლს ყველასათვის საყვარელი ტიმოთი შალამე მოირგებს. ახალი ფილმი, სახელად Wonka ვილი ვონკას ახალგაზრდობაზე მოგვითხრობს იმ დრომდე, სანამ ის ცნობილ შოკოლადის ქარხანას გახსნიდა.

ცოტა ხნის წინ ტიმოთიმ ინსტაგრამის გამომწერებს Wonka-ს გადასაღები მოედნიდან პირველი ფოტო გაუზიარა, რის შემდეგაც ფანებს ფილმის ნახვის სურვილი კიდევ უფრო გაუმძაფრდებათ.

Wonka-ს პრემიერა 2023 წლის 17 მარტსაა დაგეგმილი. მიუხედავად იმისა, რომ ფილმის შინაარსთან დაკავშირებული კონკრეტული დეტალები უცნობია, გავრცელებული ინფორმაციით, ახალი ფილმი მიუზიკლი იქნება, შესაბამისად, ფილმში ტიმოთი შალამეს სიმღერისა და ცეკვის ნიჭით ტკბობის შესაძლებლობაც მოგვეცემა.

ახალი ფილმის რეჟისორი პოლ კინგია. სცენარზე კინგთან ერთად საიმონ ფარნაბიმ იმუშავა. Wonka ვილი ვონკას ისტორიის მესამე ეკრანიზაცია იქნება. 1971 წელს გამოსულ ფილმში ვილი ვონკას როლს ჯინ უაილდერი ასრულებდა, 2005 წლის ფილმში კი — ჯონი დეპი.

ტიმოთი შალამეს მაყურებელი ისეთი ფილმებიდან იცნობს, როგორებიცაა Call Me By Your Name, Lady Bird, Little Women და სხვ. სულ მალე მას უეს ანდერსონის The French Dispatch-ში და დენის ვილნევის Dune-შიც ვიხილავთ. აღსანიშნავია, რომ მსახიობმა 2018 წელს Call Me By Your Name-ში შესრულებული როლისთვის ოსკარის ნომინაციაც მოიპოვა