სოციალურმა ქსელებმა ჩვენი ცხოვრების სტილი იმდენად შეცვალა, რომ ყოველდღიურობა მათ გარეშე უკვე არც ისე მარტივი წარმოსადგენია. ერთ-ერთი ასეთი პლატფორმა სწორედ Facebook გახლავთ, რომელიც ქართველ მომხმარებლებში პოპულარობას ჯერაც არ კარგავს.

ზოგი მას გასართობად იყენებს, ზოგს სოციალიზაციისთვის სჭირდება, ზოგს კი — სულაც სამუშაოდ. რისთვისაც არ უნდა მოიხმარდეთ Facebook-ს, ამ ტესტით გაიგებთ, რამდენად შეძლებდით არსებობას მისი გაქრობის შემთხვევაში.

მაშ, ასე:

როდის დაიწყე Facebook-ის გამოყენება?

• აკვნიდან ფეისბუქზე ვარ, ფაქტობრივად აქ გავიზარდე
• ძალიან პატარაც არ ვიყავი, მაგრამ საკმაოდ ძველი მომხმარებელი ვარ
• სეისბურგი რაღაა?

რა როლს თამაშობს Facebook შენს ცხოვრებაში?

• ფეისბუქს მიღმა არავის ვეკონტაქტები და მის გარეშე ცხოვრება ვერ წარმომიდგენია
• ხშირად ვიყენებ ადამიანებთან ურთიერთობისა და თვითგამოხატვისთვის
• ზოგჯერ შემოვირბენ ხოლმე — რა იცი, რა ხდება ქვეყანაზე
• მკვდარზე ვენოკია

რამდენად აქტიური მომხმარებელი ხარ?

• ყოველდღიურად არაერთ სტატუსსა თუ ფოტოსურათს ვუზიარებ მეგობრებს და გამოხმაურებასაც სიამოვნებით ველი
• ხშირად არ ვაქტიურობ, თუმცა ყველაფერს ვაკვირდები
• სანამ დადებიდან 2-3 წელი არ გავა, პროფილის სურათს არ ვცვლი — თავად განსაზღვრეთ

დღეში დაახლოებით რამდენ დროს უთმობ ამ სოციალურ ქსელს?

• დღის ძირითად ნაწილს, თითქმის სხვას არაფერს ვაკეთებ
• დღეში რამდენიმე საათს
• თავისუფალი დრო როცა მაქვს, სულ ცოტა ხნით შემოვირბენ ხოლმე
• არ ვსარგებლობ

იყენებ თუ არა ფეისბუქის "შვილობილ" აპლიკაციებს?

• ყველას ვიყენებ, თანაც ყოველდღიურად
• Whatsapp-ს/Instagram-ს ვიყენებ ხოლმე, თუმცა ძალიან ხშირადაც არა
• არა, მხოლოდ ფეისბუქსა და მესენჯერს ვიყენებ
• შეხება ყველასთან მქონია, მაგრამ დიდი მოყვარული არ გახლავართ
• თავად ფეისბუქსა და მესენჯერსაც არ ვიყენებ

როგორ გრძნობ თავს, როდესაც ფეისბუქით ან ინსტაგრამით სარგებლობ?

• ამაზე მეტად არაფერი მსიამოვნებს
• სამყაროსთან კავშირსა და სიამოვნებას შევიგრძნობ
• კარგად ვარ, თუმცა სხვა აქტივობები უფრო მახარებს
• ვითრგუნები, აქ სულ საშინელი ამბები ტრიალებს

როცა არ სარგებლობ..?

• სულ ვშფოთავ და მეშინია, რომ რამე მნიშვნელოვანი გამომრჩება
• არ ვნერვიულობ, მაგრამ ენთუზიაზმით ველი, როდის შევიჭყიტები და ჩემთვის საინტერესო საკითხებს გავეცნობი
• ასეც არა მიშავს, თუმცა ფეისბუქით უკეთესად ვარ
• ნეგატივი მშორდება და უკეთესად ვარ

რა დაგაკლდებოდა, ფეისბუქი და მისი შვილობილი აპლიკაციები რომ აღარ იყოს?

• თითქმის ყველა ურთიერთობას მოვწყდებოდი და თვითგამოხატვაც გამიჭირდებოდა
• იდენტობასა და მთელ ცხოვრებას დავკარგავდი
• სამსახურს დავკარგავდი
• "ქრაშზე" ინფორმაციას ვეღარ შევკრებდი
• ზემოთ ჩამოთვლილთაგან ორი ან მეტი
• არც არაფერი, მათ გარეშეც მშვენივრად ვარ

რამდენად გჭირდება ფეისბუქი და ინსტაგრამი, რათა საკუთარი თავი მატერიალურად უზრუნველყო?

• ჩემი საქმე პირდაპირ სოციალურ მედიას უკავშირდება — ფაქტობრივად გავკოტრდები მათ გარეშე
• ვიყენებ ხოლმე, მაგრამ, უკიდურეს შემთხვევაში, სასიცოცხლო საჭიროებას მაინც არ წარმოადგენს
• სრულებითაც არ მჭირდება, ჩემი საქმე სოციალურ მედიას არ უკავშირდება

რას გააკეთებდი, Facebook, Whatsapp და Instagram გლობალურად რომ გათიშულიყო?

• ვერ მოვისვენებდი და წამდაუწუმ შევამოწმებდი, ხომ არ ჩაირთო
• ოჯახის წევრებს გავიცნობდი — იქნებ არაა ცუდი ხალხი...
• მეწყინებოდა, მაგრამ თაროზე მომლოდინე წიგნების კითხვას დავიწყებდი
• ისე ვიქნებოდი ჩემს საქმეში ჩაფლული, ვერც კი შევამჩნევდი

Facebook, Instagram და Whatsapp რომ გამქრალიყო და არ დაგვბრუნებოდა, როგორ ჩაანაცვლებდი მათ?

• ძალიან შევეჩიე ამ პლატფორმებს, ვერ ჩავანაცვლებდი
• გამიჭირდებოდა სხვაზე გადართვა, მაგრამ მაშინვე ალტერნატიულ ქსელს მოვნახავდი
• ამ ბიძგს გამოვიყენებდი და სოციალურ ქსელებს სულაც შევეშვებოდი — ძველ დისკიან ტელეფონებს რა დაეწუნება?

ბოლო კითხვაა და გულწრფელად მიპასუხე: გრინჩს შობის მოპარვას უფრო აპატიებდი თუ ფეისბუქის?

• შობის
• ფეისბუქის
• აუცილებლად უნდა ავირჩიო?
• დიდად არც ერთი არ მაღელვებს