ცენტრალური საარჩევნო კომისიის მონაცემებით, ქუთაისში დათვლილია ხმების 100%. ამ მონაცემებით, მერობის არჩევნების მეორე ტურში გადადიან ნაციონალური მოძრაობის კანდიდატი, ხატია დეკანოიძე და ქართული ოცნების კანდიდატი, იოსებ ხახალეიშვილი.

ხმები ასე გადანაწილდა:

  • ხატია დეკანოიძე — 43,34%;
  • იოსებ ხახალეიშვილი — 41,45%.

რაც შეეხება სხვა კანდიდატებს, რომლებიც მეორე ტურში ვერ მოხვდნენ, მათი შედეგები ასეთია:

  • გიორგი გოგუაძე — 8,72%;
  • ანდრო ლოსაბელიძე — 5,01%;
  • ირინა საღინაძე — 1,48%.

ხმების 100%-ის დათვლა საბოლოო შედეგებს არ ნიშნავს, რადგან დარღვევების გამო შეტანილ საჩივრებს, შესაძლოა, ზოგიერთი უბნის მონაცემების გაბათილება ან შეცვლა მოჰყვეს, რაც აისახება გამოქვეყნებულ მონაცემებზე. საბოლოო შედეგებს ცესკო საჩივრების განხილვის დასრულების შემდეგ გამოაქვეყნებს.

ქუთაისის გარდა მეორე ტური კიდევ 19 ქალაქსა თუ მუნიციპალიტეტში გაიმართება. კანონმდებლობის მიხედვით, მეორე ტური პირველი ტურიდან 4 კვირაში, ანუ 30 ოქტომბერს გაიმართება.

გაიგე მეტი: