საგარეო საქმეთა მინისტრის, დავით ზალკალიანის განცხადებით დაუშვებელია, ერთმა ადამიანმა "მძევლად აიყვანოს" საქართველოსა და უკრაინას შორის სტრატეგიული ურთიერთობა. ასე გამოეხმაურა ის ექსპრეზიდენტ მიხეილ სააკაშვილის დაკავებასა და უკრაინული მხარის პოზიციებს ამ საკითხზე.

"დაუშვებელია, რომ საერთოდ, ერთმა ადამიანმა მძევლად აიყვანოს საქართველო-უკრაინას შორის სტრატეგიული პარტნიორობა [...]

გასაგებია მათი [უკრაინის საგარეო საქმეთა სამინისტროს] პოზიცია, რადგან სააკაშვილის არის უკრაინის მოქალაქე. საელჩოს აქვს კომუნიკაცია, იყო კონტაქტი საელჩოს თანამშრომელთან, რომელიც უკრაინულ მხარეს მიაწვდის ყველა, მათთვის საინტერესო ინფორმაციას. ყველა ინფორმაციას, რომელიც გაავრცელა გუშინ პროკურატურამ, იქნება მყისიერდ მიწოდებული ჩვენი უკრაინელი კოლეგებისთვის და დარწმუნებული ვარ, რომ მშვიდად, წყნარად ჩვენ ყველა საკითხზე გვექნება შესაბამისი განმარტებები", — განაცხადა ზალკალიანმა.

უკრაინის საგარეო საქმეთა მინისტრმა, დმიტრი კულებამ მიხეილ სააკაშვილის დაკავებასთან დაკავშირებით უკრაინულ ტელეარხ დომთან მიცემულ ინტერვიუში საქართველოს ექსპრეზიდენტს მხარდაჭერა გამოუცხადა.

გაიგე მეტი: