"ბავშვი არ დაბადებულაო და სახელს არქმევნდენ, თუ ჩამოდის ეს კაცი ჩამოვიდეს" — ასე გამოეხმაურა პრემიერმინისტრი ირაკლი ღარიბაშვილი ყოფილი პრეზიდენტის, მიხეილ სააკაშვილის სავარაუდო ჩამოსვლას ქვეყანაში. მანვე აღნიშნა, რომ თუ სააკაშვილი ჩამოვა დაიჭერენ და იმასაც ზედ მიაყოლებენ, ვინც ამ პროცესს ხელს შეუშლის.

ღარიბაშვილი ამტკიცებს, რომ სამოქალაქო დაპირისპირება არც ერთხელ არ დაუანონსებია. ამასთან მან თქვა, რომ სააკაშვილს სჭირდება 10 პოლიციელი, გამოცდილი კაცი რომელიც მას დააკავებს.

"არავითარი სამოქალაქო დაპირისპირება მე არ დამიანონსებია. სამოქალაქო დაპირისპირება დააანონსეს ნაციონალური მოძრაობის წარმომადგენლებმა, როცა თქვეს, რომ ისინი ხელს შეუშლიან თურმე სააკაშვილის დაკავებას, ეს ერთი. მეორე, მე ზოგადად ვთქვი, რომ ოპოზიციას არ შეუძლია, არ ძალუძს საკუთარი მხარდამჭერების მობილიზებაც კი", — თქვა ღარიბაშვილმა.

27 სექტემბერს მიხეილ სააკაშვილმა სოციალურ ქსელში თვითმფრინავის ბილეთი გამოაქვეყნა, რომლის მიხედვითაც 2 ოქტომბერს ჩამოფრინდება. ბილეთის მიხედვით, ის საქართვლოში დედასთან, გიული ალასანიასთან ერთად ჩამოვა. გუშინ, 28 სექტემბერს, ნაციონალური მოძრაობის თავმჯდომარემ, ნიკა მელიამ სააკაშვილთან საუბარი და მისი სიტყვები გაიხსენა — "აქვს ნათქვამი, მირჩევნია ციხეში ვიჯდე, არ მინდა აქ ყოფნაო".

გაიგე მეტი: