რუსეთის ქალაქ სოჭში რუსეთის პრეზიდენტ ვლადიმერ პუტინსა და თურქერთის პრეზიდენტ რეჯეფ თაიფ ერდოღანს შორის შეხვედრა იმართება. კრემლის პრესსამსახურის ცნობით, საუბრის ძირითადი თემა სავაჭრო-ეკონომიკური პარტნიორობა, სირიასა და ლიბიაში მიმდინარე შეიარაღებული კონფლიქტები და ავღანეთსა და კავკასიაში არსებული ვითარება იქნება.

თავის მხრივ, ერდოღანმა აღნიშნა, რომ პუტინთან მოლაპარაკებებისგან მას სირიის საკითხზე "სერიოზული მოლოდინი აქვს. მისი თქმით, ანკარა მოსკოვთან ურთიერთობის თვისობრივად ახალ დონეზე მიიყვანასა და სავაჭრო ბრუნვის 100 მილიარდ დოლარამდე მიყვანას ცდილობს.

რუსეთისა და თურქეთის პრეზიდენტები ბოლოს ერთმანეთს 2020 წელს რუსეთის დედაქალაქ მოსკოვში შეხვდნენ. 2019 წლის დასაწყისიდან 2020 წლის მარტამდე პუტინმა და ერდოღანმა ათი შეხვედრა გამართეს. ეს მოლაპარაკებები ხანგრძლივი შესვენების შემდეგ პირველი იქნება. თუმცა ტასის ცნობით, ამ პაუზის მიუხედავად, პრეზიდენტებს შორის კონტაქტი არასოდეს შეწყვეტილა და მათ ტელეფონით კომუნიკაცია მუდმივად ჰქონდათ.