ფეისბუკში თბილისის მერიისა და მერის გვერდების პოპულარიზაციისთვის 2017 წელს 5 500 დოლარის დახარჯვა იგეგმება. თბილისის მერიამ აღნიშნული მომსახურების შესაძენად შესყიდვების სააგენტოს თანხმობა 2017 წლის 27 იანვარს მიიღო.

"აღნიშნულ სოციალურ ქსელს საქართველოში, მათ შორის თბილისში, ყველაზე მეტი მომხმარებელი ჰყავს. შესაბამისად, მიზანშეწონილია, ფეისბუკით გავრცელებული ინფორმაციის ხელმისაწვდომობის გაზრდა, ამა თუ იმ თემატიკის ინფორმაციის მეტი მომხმარებლისთვის გაცნობა, რასაც ფეისბუკის ინფორმაციის რეკლამირების მომსახურებით ანუ ჩვენ მიერ მოთხოვნილი შესასყიდი მომსახურებით სარგებლობა უზრუნველყოფს,"- აღნიშნავდა თბილისის მერია შესყიდვის აუცილებლობის დასაბუთებისას.

მერია განმარტავს, რომ აღნიშნული შესყიდვის მიზანი მერიის საქმიანობით დაინტერესებული მიზნობრივი ჯგუფებისთვის ინფორმაციის ხელმისაწვდომობის გაზრდის უზრუნველყოფაა.

თბილისის მერიამ მსგავსი მომსახურებით 2016 წელსაც ისარგებლა.