მიმდინარე წლის აგვისტოში ქვეყანაში შემოსული ფულადი გზავნილების ნაკადების მოცულობამ 204,9 მლნ დოლარი (638,6 მილიონი ლარი) შეადგინა, რაც 11,2%-ით (20,7 მილიონი დოლარით) მეტია 2020 წლის აგვისტოს ანალოგიურ მაჩვენებელზე. ინფორმაციას ამის შესახებ ეროვნული ბანკი ავრცელებს.

ქვეყნებს შორის, ყველაზე მეტი გზავნილი რუსეთიდან ($37,7 მილიონი), იტალიიდან ($33,6 მილიონი) და აშშ-დან ($24,6 მილიონი) მივიღეთ.

რაც შეეხება იანვარ-აგვისტოს სტატისტიკას, უცხოეთიდან მიმდინარე წლის პირველ რვა თვეში 1,5 მილიარდი დოლარი მივიღეთ, რაც გასული წლის იმავე პერიოდთან შედარებით 31%-ით მეტია.

აღსანიშნავია, რომ მიმდინარე წლის აგვისტოში საქართველოდან უცხოეთში 27,4 მილიონი დოლარი გადაირიცხა. ქვეყნებს შორის, ყველაზე მეტი თანხა რუსეთსა ($7,5 მილიონი) და თურქეთში ($6,3 მილიონი) გაიგზავნა.