სტუდია Marvel-მა 11 სექტემბერს, ემის შემოქმედებითი ხელოვნების დაჯილდოების პირველ საღამოზე, ორი ჯილდოს მოპოვება შეძლო, წლის ერთ-ერთი ყველაზე პოპულარული სერიალის, WandaVision-ის წყალობით.

Disney+-ის მინისერიალმა სიუჟეტური გადაცემის გამორჩეული დიზაინისა და გამორჩეული ფენტეზი/საი-ფაი კოსტიუმების ნომინაციებში მოახერხა გამარჯვება.

WandaVision წლეულს ჯამში ემის 23 ნომინაციაშია წარდგენილი. კიდევ რამდენ მათგანში შეძლებს სერიალი გამარჯვებას, ამას 12 სექტემბერს, ემის შემოქმედებითი ხელოვნების დაჯილდოების მეორე საღამოზე და 19 სექტემბერს, ემის დაჯილდოების მთავარ შოუზე გავიგებთ.

Wandavision მულტიჟანრობრივი სერიალია, რომელიც Disney+-სთვის ჟაკ შეფერმა შექმნა. მასში მოქმედება Avengers: Endgame-ში განვითარებული მოვლენებიდან რამდენიმე კვირის შემდეგ ხდება. ისტორია სუპერძალის მქონე ორ პერსონაჟს — ვანდასა (ელიზაბეთ ოლსენი) და ვიჟენის (პოლ ბეტანის) — გარშემო ვითარდება. ისინი ნიუ-ჯერსის პატარა ქალაქის გარეუბანში იდილიურად ცხოვრობენ, თუმცა, მალევე აღმოაჩენენ, რომ აქ ყველაფერი ისე არ არის, როგორც ერთი შეხედვით ჩანს.

2021 წლის იანვარში გამოსულმა სერიებმა, რომლებიც რომანტიკის, სიტკომის, დრამის, კომიქსისა და დეტექტივის ნაზავია, მაყურებლებისა და კრიტიკოსებისგან დადებითი შეფასება დაიმსახურა.

ასევე იხილეთ: