თალიბანმა ახალი მთავრობის შემადგენლობა დაასახელა
![](http://monica.on.ge/2021/09/08/1631043769_6137c6b16f44c.jpg)
ფოტო: Saeed Khan/AFP
ავღანეთზე კონტროლის დამყარებიდან 3 კვირის შემდეგ, თალიბანმა ახალი მთავრობის შემადგენლობა დაასახელა. ინფორმაციას ამის შესახებ Reuters ავრცელებს. მედიის ცნობით, თალიბანის მიერ დადგენილ მთავრობას მოლა ჰასან ახუნდი უხელმძღვანელებს.
როგორც გამოცემა წერს, შინაგან საქმეთა მინისტრი ჰაკანის ქსელის დამფუძნებლის შვილი, სირაჯუდდინ ჰაკანი იქნება, ის აშშ-ს ტერორისტთა დაჯგუფების სიაში ჰყავს შეყვანილი. ამასთან, აქამდე ვრცელდებოდა ინფორმაცია, რომ ავღანეთის ახალ მთავრობას თალიბანის თანადამფუძნებელი და ერთ-ერთი ლიდერი, მოლა აბდულ ღანი ბარადარი უხელმძღვანელებდა, თუმცა, როგორც ცნობილი გახდა, ის ახუნდის მოადგილე იქნება. რაც შეეხება თავდაცვის მინისტრის, ამ პოზიციას თალიბანის დამფუძნებლის, მოლა ომარის შვილი დაიკავებს.
6 სექტემბერს თალიბანმა გამოაცხადა, რომ ავღანეთის ბოლო პროვინცია — პანჯშირიც მათ ხელშია. ამ ინფორმაციას არ ადასტურებს ანტითალიბანური ეროვნული წინააღმდეგობის ფრონტი (NRF), რომელსაც აჰმად მასუდი ხელმძღვანელობს.
2021 წლის 14 აპრილს აშშ-ის პრეზიდენტმა ჯო ბაიდენმა განაცხადა, რომ ავღანეთიდან ამერიკული ჯარების გაყვანა პირველ მაისს დაიწყებოდა და 31 აგვისტომდე დასრულდებოდა. ავღანეთიდან აშშ-ის ძალების გასვლის შემდეგ, თალიბანმა ქაბულის აღებაც მალე შეძლო — პრეზიდენტი გაიქცა, თალიბებმა ძალაუფლება მოიპოვეს.
მათ ხელისუფლების ყველა წარმომადგენლისათვის საყოველთაო "ამნისტია გამოაცხადეს" და მთავრობაში ქალები მიიწვიეს. მათი მტკიცებით, ხალხს შეუძლია, დაუბრუნდეს თავის რუტინულ ყოველდღიურობას, თუმცა ამის ფონზე, დევნიან მოქალაქეებს, ქალებს, რომლის ჩაცმის სტილიც არ მოსწონთ, ჟურნალისტებს. ძალაუფლების მიღების შემდეგ თალიბებმა არაერთი ადამიანი მოკლეს და დაჭრეს, მათ შორის, ისინი, ვინც ქვეყნიდან გაქცევას ცდილობდნენ.
31 აგვისტოს ოფიციალურად დასრულდა ევაკუაციის პროცესი და 20-წლიანი ომის შემდეგ ავღანეთი უკანასკნელმა ამერიკელმა სამხედრომაც დატოვა. ქაბულის აეროპორტს ახლა თალიბები აკონტროლებენ.
გაიგე მეტი:
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები